મોરબીના જેતપર રોડે રોજિંદા ટ્રાફિકજામની પીડામાંથી મુક્તિ કયારે ?: વાહન ચાલકો ત્રાહિમામ
Morbi Today
મોરબીના લીલાપર રોડે આવાસ યોજનામાં જુગારના અડ્ડા !: ભાડૂયઆતોને હાંકી કાઢવા પાલિકામાં રજૂઆત
SHARE
JOIN OUR GROUP
મોરબીના લીલાપર રોડે આવાસ યોજનામાં જુગારના અડ્ડા !: ભાડૂયઆતોને હાંકી કાઢવા પાલિકામાં રજૂઆત
મોરબીના લીલાપર રોડ ઉપર આવાસ યોજના બનાવમાં આવી છે જેમાં લાભાર્થીઓના બદલે મોટાભાગના મકાનમાં ભાડુઆત રહે છે અને કેટલાક અસામાજિક તત્વોએ ત્યાં જુગારના અડ્ડા બનાવી નાખ્યા છે તેવી રજૂઆત સ્થાનિક લોકો દ્વારા નગરપાલિકામાં કરવામાં આવી છે અને લાભાર્થીઓના બદલે ભાડુઆત રહેતા હોય તો તેને ખાલી કરવામાં આવે અને અસામાજિક તત્વોને ત્યાંથી હટાવવામાં આવે તેવી માંગણી સાથે નગરપાલિકામાં આવેદન પાઠવવામાં આવ્યું છે
નબળા પરિવારોને ઘરના ઘર મળે તેના માટે થઈને સરકાર દ્વારા કરોડ રૂપિયાનો ખર્ચ કરીને જુદા જુદા શહેરની અંદર આવાસ યોજનાઓ બનાવવામાં આવતી હોય છે. આવી જ રીતે મોરબીના લીલાપર રોડ ઉપર નગરપાલિકા હસ્તક આવાસ યોજના બનાવવામાં આવી છે જેના ૪૦૦ થી વધુ મકાનો ત્યાં બનાવવામાં આવ્યા છે પરંતુ આજની તારીખે વર્ષો પછી પણ મોટાભાગના મકાનો ખાલી છે અને જે મકાનોમાં હાલમાં લોકો રહે છે તેમાંથી લાભાર્થીઓ કરતા ભાડુઆતની સંખ્યા વધુ છે તેમજ ઘણા બધા અસામાજિક તત્વોએ ત્યાં જુગારના અડ્ડા બનાવી નાખેલ છે તેવી રજૂઆત હાલમાં સ્થાનિક લોકો દ્વારા મોરબી પાલિકાના ચીફ ઓફિસરને કરવામાં આવી છે અને પાલિકાની ટીમ દ્વારા સ્થળ તપાસ કરવામાં આવે અને લાભાર્થીઓની જગ્યાએ ભાડુઆત રહેતા હોય તો તેમને ત્યાંથી ખાલી કરવામાં આવે અને જુગાર રમવા માટે થઈને ત્યાં અડ્ડા કરનારા શખ્સોને પણ ત્યાંથી દૂર કરવામાં આવે તેવી સ્થાનિક લોકોએ પાલિકામાં રજૂઆત કરી છે
