મોરબી જીલ્લામાં લાયસન્સ વગર સિક્યુરિટી એજન્સી ચલાવતા કોન્ટ્રાકટરની ધરપકડ

મોરબીની આસપાસમાં આવેલ કારખાનાઓમા સિક્યુરિટી એજન્સીના માણસોને કામે રખવામના આવે છે જો કે, ઘણા લાયસન્સ વગર સિક્યોરિટી ચલાવીને માણસોને કામે રાખતા હોય છે આવી જ રીતે સિક્યુરિટી એજન્સી ચલાવતા કોન્ટ્રાક્ટરને મોરબી જિલ્લા એસઓજીની ટીમે ઝડપી લીધેલ છે અને તેની સામે કાયદેસરની કાર્યવાહી કરી છે

મળતી માહિતી મુજબ મોરબી જિલ્લા એસઓજીના પીઆઇ પંડ્યાની સૂચના મુજબ સ્ટાફ કામ કરી રહ્યો છે ત્યારે વાંકાનેર તાલુકાના પંચાસીયાથી અદેપર જતા રોડ ઉપર આવેલ પવનસુત પેપર મિલના ગેઇટ પાસે એક શખ્સને બોલાવી પૂછતાછ કરી હતી ત્યારે તે સિક્યુરિટી ગાર્ડ હોવાનું કહ્યું હતું અને રામસિંહ ફુલસિંહ રાજપૂતનો કોન્ટ્રાકટ છે જેમાં તે કામ કરે છે તેવું કહ્યું હતું જેથી કરીને એસઓજીની ટીમે કોન્ટ્રાકટર રામસિંહ ફુલસિંહ રાજપૂતને બોલાવી પૂછપરછ કરી હતી ત્યારે સિક્યુરિટી ગાર્ડ પુરા પાડવા માટે લાયસન્સ ન હોવાનું સામે આવ્યું હતું જેથી કરીને વાંકાનેર તાલુકા પોલીસ સ્ટેશને તેની સામે ગુનો નોંધીને પોલીસે આગળની કાર્યવાહી કરેલ છે