મોરબીના ગાળા ગામના પાટીયા પાસેથી દારૂ ભરેલ સ્કોર્પિયો સાથે એક શખ્સ પકડાયો

મોરબી માળિયા હાઇવે ઉપર ગાળા ગામના પાટીયા પાસેથી સ્કોર્પિયો ગાડી પસાર થઈ રહી હતી ત્યારે તે ગાડીને રોકીને તાલુકા પોલીસની ટીમ દ્વારા ચેક કરવામાં આવી હતી ત્યારે ગાડીમાંથી ૨૦૦ લીટર દેશી દારૂનો જથ્થો મળી આવ્યો હતો જેથી પોલીસે ૪૦૦૦ નો દારૂ તેમજ બે લાખની કાર આમ કુલ મળીને ૨,૦૪,૦૦૦ ના મુદ્દામાલ સાથે એક શખ્સની ધરપકડ કરી આગળની રાબેતા મુજબની કાર્યવાહી હાથ ધરી છે

મોરબી તાલુકા પોલીસી ટીમ મોરબી માળિયા હાઇવે ઉપર પેટ્રોલિંગમાં હતી ત્યારે ગાળા ગામના પાટીયા પાસેથી પસાર થતી સ્કોર્પિયો ગાડી નંબર જીજે ૩ સીઆર ૦૦૭૧ ને રોકીને પોલીસની ટીમ દ્વારા ચેક કરવામાં આવી હતી ત્યારે તે ગાડીમાંથી દારૂના ૧૦ બાચકા મળી આવ્યા હતા જેથી કરીને પોલીસે ૪૦૦૦ ની કિંમતનો ૨૦૦ લીટર દેશી દારૂ તથા બે લાખની કાર આમ કુલ મળીને ૨,૦૪,૦૦૦ ના મુદ્દા માલ સાથે મોહમદહનીફ ફારુકભાઈ ભટ્ટી જાતે મિયાણા (૨૩) રહે નવલખી ફાટક પાસે પરશુરામ મંદિરની પાછળ મૂળ રહે. કાજેડા તાલુકો માળીયા વાળાની ધરપકડ કરેલ છે અને તેની પાસેથી મળી આવેલ દારૂનો જથ્થો તે ગાડીમાં ક્યાંથી ભરીને નીકળ્યો હતો અને કોને આપવા માટે જતો હતો તે દિશામાં તાલુકા પોલીસ ટીમ દ્વારા આગળની તપાસ શરૂ કરવામાં આવી છે