મોરબીના મકનસર ગામે ઘરમાંથી ૧૪ બોટલ દારૂ સાથે મહિલા બુટલેગર પકડાઈ

મોરબી તાલુકાના મકનસર ગામે રહેતી મહિલાના ઘરની અંદર દારૂનો જથ્થો હોવાની બાતમી મળી હતી જેના આધારે એલસીબીની ટીમ દ્વારા ત્યાં દારૂની રેડ કરવામાં આવતા સ્થળ ઉપરથી દારૂની ૧૪ બોટલ સાથે મહિલા બુટલેગર ઝડપાઈ હતી જેથી કરીને એલસીબીની ટીમ દ્વારા તેની ધરપકડ કરી હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી વાંકાનેર હાઇવે ઉપર આવેલ મકાનસર ગામ પાસે ધર્મ મંગલ સોસાયટીમાં રહેતી મહિલાના ઘરમાં દારૂનો જથ્થો હોવાની એલસીબીની ટીમને બાતમી મળી હતી જેના આધારે મોરબી જિલ્લા એલસીબીની ટીમ દ્વારા ત્યાં દારૂની રેડ કરવામાં આવતા સ્થળ ઉપર ઘરમાંથી દારૂની ૧૪ બોટલો મળી આવી હતી જેથી કરીને પોલીસે ૫,૨૫૦ ની કિંમતનો મુદ્દામાલ કબજે કર્યો હતો અને મહિલા બુટલેગર સપનાબેન ઠાકૂરદાસ રામચંદાની જાતે સિંધી (૩૩) રહે. હાલ ધર્મ મંગલ સોસાયટી મૂળ રહે વસ્ત્રાલ રિંગ રોડ સિલ્વર હેબિટેડ એપાર્ટમેન્ટ નંબર-કે બ્લોક નંબર ૧૦૩ અમદાવાદ વાળીની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવી હતી અને કોને આપવાની હતી તે દિશામાં હવે તાલુકા પોલીસ દ્વારા આગળની તપાસ શરૂ કરવામાં આવી છે