મોરબીમાં એક્ટિવાનો ઓવરટેક કરવાની વાતમાં યુવાનને લાફા મારવાના ગુનામા બે આરોપીની ધરપકડ
Morbi Today
મોરબીના દરબારગઢ પાસે અને ભડીયાદ ગામે જુગાર રમતા ૧૫ ની ધરપકડ
SHARE
JOIN OUR GROUP
મોરબીના દરબારગઢ પાસે અને ભડીયાદ ગામે જુગાર રમતા ૧૫ ની ધરપકડ
મોરબી તાલુકા પોલીસે ભડીયાદ ગામે રામાપીરના ઢોળા પાસે જુગાર રમતા છ ઇસમોની રોકડા રૂા.૪૬ હજારની સાથે ધરપકડ કરી હતી.તે રીતે મોરબી સીટી એ ડિવિઝન પોલીસ સ્ટાફે મોરબીના દરબારગઢ વિસ્તારમાં આવેલ હોન્ડાના શોરૂમ પાસે જુગાર અંગે રેડ કરીને નવ પતાપ્રેમીઓની રોકડા રૂા.૧૧,૪૫૦ સાથે ધરપકડ કરી હતી.
મોરબી તાલુકા પોલીસ મથકના મહિલા એએસઆઇ નેહલબેન ખડીયા તથા સ્ટાફ દ્વારા મોરબીના ભડીયાદ ગામે આવેલ રામદેવપીરના ઢોળા પાસે રેડ કરવામાં આવી હતી અને ત્યાં જાહેરમાં જુગાર રમી રહેલા ઈકબાલ ગનીભાઈ સૈયદ જાતે ફકીર (૩૪) રહે.રામાપીરના ઢોળા પાસે ભડીયાદ, કાળુ ટપુભાઇ સાદરીયા જાતે કોળી (૪૫) રહે.રામદેવપીરના ઢોળા પાસે ભડીયાદ, યોગેશ ગાંડુભાઇ ઈટોદરા જાતે કોળી (૨૧) રહે.ભડીયાદ, ગીતાબેન કાળુભાઈ ટપુભાઈ સાદરીયા જાતે કોળી (૪૫) રહે.ભડીયાદ, રીટાબેન અશોકભાઈ માનેવાડિયા જાતે કોળી (૨૦) રહે.લાલપર બાપાસીતારામ મઢુલી પાસે અને મુસ્કાનબેન ઈકબાલભાઈ સૈયદ જાતે ફકીર (૨૦) રહે.રામાપીરના ઢોળા પાસે ભડીયાદ જુગાર રમતા મળી આવતા તેઓ પાસેથી રોકડા રૂા.૪૬,૦૦૦ જપ્ત કરીને છએયની સામે જુગારધારા કલમ હેઠળ ગુનો નોંધાયો હતો.
જયારે મોરબી સીટી એ ડીવીઝન પોલીસ સ્ટેશનના સ્ટાફે બાતમીના આધારે મોરબીના દરબારગઢ પાસે આવેલ મોટી હનુમાન શેરી હીરોના શોરૂમ પાછળ રહેતા રાકેશગીરી ગૌસ્વામીના રહેણાંક મકાનમાં રેડ કરવામાં આવી હતી ત્યારે ત્યાં રહેણાંક મકાનની અંદર જુગારધામ ધમધમતુ હોય અને ઘરધણી રાકેશગીરી પોતાના કબ્જા ભોગવટા વાળા મકાનમાં બહારથી માણસો બોલાવીને જુગારના સાધનો પુરા પાડી પોતાના અંગત ફાયદા સારૂ નાલ ઉઘરાવી જુગારનો અખાડો ચલાવતો મળી આવ્યો હતો.પોલીસે સ્થળ ઉપરથી ઘરધણી રાકેશગીરી બળવંતગીરી ગૌસ્વામી જાતે બાવાજી (૩૦) ધંધો.રસોઇકામ રહે.મોટી હનુમાન શેરી દરબાર ગઢ પાસે, નીમીશભાઇ મનુભાઇ પંડ્યા જાતે બ્રાહમણ (૩૯) ધંધો કર્મકાંડ રહે.મોટીહનુમાન શેરી, રાકેશભાઇ જયંતીભાઇ મકવાણા જાતે ખવાસ (૨૨) ધંધો પ્રાઇવેટ નોકરી રહે.મોંચી શેરી ખોડા ખવાસ શેરીની સામે, સંદીપભાઇ જયંતીભાઇ ગોહીલ જાતે ખવાસ (૨૮) ધંધો મજુરી રહે.મોંચી શેરી ખોડા ખવાસ શેરી, પ્રિન્સભાઇ રાજેશભાઇ પીઠડીયા જાતે દરજી (૨૧) ધંધો રીક્ષા ડ્રાઇવીંગ રહે.ખોડા ખવાસનો ખાંચો મોંચી શેરી, નીતીનભાઇ ભરતભાઇ બાંભવા જાતે ભરવાડ (૨૫) ધંધો.મજુરી રહે.મણીમંદીર પાસે ભરવાડ શેરી, જયરાજભાઇ ભુપતભાઇ ગોહીલ જાતે ખવાસ (૨૩) ધંધો નોકરી રહે.મોચી શેરી ખોડા ખવાસનો ખાંચો, ઉત્તમભાઇ નીતીનભાઇ મકવાણા જાતે ખવાસ (ર૦) ધંધો.નોકરી રહે.ખોડા ખવાસનો ખાંચો મોચી શેરી અને રૂત્વીક હરેશભાઇ ટોયટા જાતે ભરવાડ (૨૨) ધંધો ટ્રાસપોર્ટ રહે.મોચી શેરી ખોડા ખવાસનો ખાંચો ગંજીપતાના પાના અને પૈસા વડે રોન પોલીસનો તીન પતીનો હારજીતનો જુગાર રમતા મળી આવતા રોકડા રૂ.૧૧,૪૫૦ સાથે તમામની ધરપકડ કરવામાં આવી હતી.
મારામારીમાં ઈજા થતા સારવારમાં
મોરબીના રફાળેશ્વર ગામે રહેતા રવિરાજસિંહ છત્રસિંહ ઝાલા નામના ૩૦ વર્ષના યુવાનને મારામારીના બનાવમાં ઇજા થતા સારવાર માટે સિવિલ હોસ્પિટલ ખસેડવામાં આવ્યો હતો અને હોસ્પિટલ દ્વારા તેની સારવાર કરવામાં આવ્યા બાદ તાલુકા પોલીસ મથકે જાણ કરાતા તાલુકા પોલીસ મથકના એમ.જે.કહાંગરા દ્વારા મારામારીના બનાવની વધુ તપાસ હાથ ધરવામાં આવેલ છે.
વાહન અકસ્માતમાં ઈજા
મોરબીના વાંકાનેર હાઇવે ઉપર આવેલા જુના જાંબુડીયા ગામના પુલ નજીક આવેલ કંશીલ કારખાના નજીક રહેતા ડાયાભાઈ ફકીરભાઈ રાવલ નામના ૬૪ વર્ષના વૃદ્ધને જાંબુડીયાના પુલ નજીક વાહન અકસ્માતમાં ઈજા થતા સારવાર માટે મોરબીની સિવિલ હોસ્પિટલે લાવવામાં આવ્યા હતા અને ત્યાં તેઓને પ્રાથમિક સારવાર આપ્યા બાદ વધુ સારવાર માટે ખાનગી હોસ્પિટલે લઈ જવામાં આવ્યા હતા.આ બનાવ સંદર્ભે તાલુકા પોલીસ મથકે જાણ કરવામાં આવતા હાલ તાલુકા પોલીસ મથકના મહેશભાઈ કહાંગરા દ્વારા આ અકસ્માત બનાવની વધુ તપાસ શરૂ કરવામાં આવી છે.
