માળીયા (મી)ના વેણાસરમાં જુગાર રમતા પાંચ જુગારી પકડાયા

માળીયા મીયાણા તાલુકાના વેણાસર ગામે નવાપરા શેરીમાં જાહેરમાં જુગાર રમતા હોવાની હકીકત મળી હતી જેના આધારે સ્થાનિક પોલીસે ત્યાં જુગારની રેડ કરી હતી ત્યારે પાંચ શખ્સો જુગાર રમતા મળી આવ્યા હતા જેથી પોલીસે ૧૦૬૦૦ ની રોકડ કબજે કરી માળિયા તાલુકા પોલીસ સ્ટેશન ખાતે જુગાર ધારા હેઠળ ગુનો નોંધીને આગળની કાર્યવાહી હાથ ધરી છે

જાણવા મળતી માહિતી મુજબ માળિયા મીયાણા તાલુકા પોલીસની ટીમ પેટ્રોલિંગમાં હતી ત્યારે માળિયા તાલુકાના વેણાસર ગામે જાહેરમાં જુગાર રમતા હોવાની હકીકત મળી હતી જેના આધારે પોલીસે વેણાસર ગામમાં નવાપરા શેરી તરીકે ઓળખાતા વિસ્તારમાં જુગારની રેડ કરી હતી ત્યાં જાહેરમાં જુગાર રમતા ખેંગારભાઈ વિઠ્ઠલભાઈ અદગામા (૪૦), દશરથભાઈ હીરાભાઈ કુંવરિયા (૨૫), સાગરભાઇ રમેશભાઈ કુંવરિયા (૨૫), શૈલેષભાઈ પ્રભાતભાઈ કુંવરિયા (૨૭) અને જેસીંગભાઇ મેરૂભાઈ અદગામા (૧૯) રહે. બધા વેણાસર વાળા જુગાર રમતા મળી આવ્યા હોય પોલીસે તેની પાસેથી ૧૦૬૦૦ ની રોકડ કબજે કરી હતી અને તેની સામે માળિયા મીયાણા તાલુકા પોલીસ સ્ટેશન ખાતે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરી હતી