મોરબીની વાવડી ચોકડી ટ્રક ચાલકે પાંચ ગૌવંશોને હડફેટે લેતા ત્રણનાં મોત

વાવડી ચોકડી પાસે ટ્રક ચાલકે રસ્તા ઉપર ગાય અને વાછરડાને હડફેટ લીધા હતા જેથી કરીને ત્રણ ગૌવંશોના મોત નીપજ્યા હતા અને બે ગૌવંશોને ઇજા થયેલ છે જેથી આ બનાવ સંદર્ભે હાલમાં મોરબી એ ડિવિઝન પોલીસ સ્ટેશન ખાતે ટ્રક ચાલક સામે ફરિયાદ નોંધાવતા પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે

થોડા દિવસો પહેલા મોરબીના લીલાપર કેનાલ રોડ ઉપર ટ્રક ચાલકે ગૌવંશોને હદફેટે લેતા ત્યાં ત્રણ ગૌવંશોના મોત નીપજ્યા હતા અને બે ગૌવંશોને ઇજા થઈ હતી આવી જ રીતે મોરબીની વાવડી ચોકડી પાસે રસ્તા ઉપરથી પસાર થઈ રહેલા ટ્રક નંબર જીજે ૧૨ બીડબલ્યુ ૪૫૦૯ ના ચાલકે રસ્તા ઉપર ગાય અને વાછરડાઓને હડફેટ લીધા હતા અને સ્થળ ઉપર ત્રણ ગૌવંશોના મોત નીપજયાં હતા જો કે, એક ગાય તથા એક વાછરડાને ઇજાઓ થઇ હોવાથી તેને સારવાર માટે લઈ જવા પડ્યા હતા આ બનાવ સંદર્ભે હાલમાં મોરબીના લીલાપર રોડ ઉપર આવેલ બોરીચાવાસ વિસ્તારમાં રહેતા કમલેશભાઈ ભગવાનભાઈ રૂંજા જાતે બોરીચા આહીર (૩૨)એ ટ્રક ચાલક સામે ૨૦૦૦૦ રૂપિયાના નુકસાન અંગેની ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે