માળીયા(મિં.) પોલીસે બીયરના ૨૬૪ ટીન સાથે એક ઇસમને દબોચ્યો

મોરબી જીલ્લાના માળીયા(મિં) પોલીસ મથકની હદમાં આવતા હરીપર નજીકથી પસાર થતી શંકાસ્પદ કારને બાતમીને આધારે માળીયા પોલીસે અટકાવીને ચેકીંગ કરતા કારમાંથી બીયરના ૨૬૪ ટીન સાથે એક ઇસમ મળી આવતા તેને દબોચી લઇને તેણે આ જથ્થો કોની પાસેથી મેળવ્યો છે..? અને કયાં ડિવિવરી આપવા જતો હતો..? તે દિશામાં હવે માળીયા પોલીસે આગળની તપાસ હાથ ધરેલ છે.

મોરબી જીલ્લા પોલીસવડા સુબોધ ઓડેદરાએ જીલ્લામાં દારૂ-જુગારની બદીને કડક હાથે ડામી દેવા સ્ટાફને સુચના કરેલ હોય ડીવાયએસપી રાધિકા ભારાઇ તથા સીપીઆઇ પી.એચ.લખધીરકાના માર્ગદર્શન હેઠળ માળીયા પીએસઆઇ એન.એચ.ચુડાસમા તેમજ સર્વેલન્સ સ્ટાફના માણસો પેટ્રોલીંગમાં હતા તે દરમ્યાન ખાનગી બાતમી મળી હતી કે માળીયાના હરીપર ગામના પાટીયા પાસે નેશનલ હાઇવે ઉપરથી મારૂતી સુઝુકી સ્વીફટ કારમાં બીયરના ટીનનો મોટો જથ્થો રાખીને એક ઇસમ નિકળનાર છે તેથી બાતમીવાળી જગ્યાએ વોચ ગોઠવતા બાતમી મુજબની મારૂતી સુઝુકી સ્વીફટ કાર નંબર જીજે ૩૬ આર ૮૯૭૯ લઇને નિકળેલા રફીક તાજમહમદ ભટ્ટી જાતે મિયાણા (ઉ.વ.૨૩) રહે.માળીયા કોળીવાસ નગરપાલીકાની કચેરી સામે જી.મોરબીને અટકાવીમે કારની તલાસી લેવામાં આવતા કારમાંથી ભારતીય બનાવટના કિંગ ફીશર સુપર સ્ટ્રોગ પ્રીમીયમ બીયરના ૨૬૪ ટીન કિંમત રૂા.૨૬,૪૦૦ નો જથ્થો મળી આવતા બીયર તેમજ રૂા.૫ લાખની કાર એમ કુલ રૂા.૫,૨૬,૪૦૦ ની મતા સાથે રફીક તાજમામદ ભટ્ટીની માળીયા પીએસઆઇ એન.એચ.ચુડાસમાએ ધરપકડ કરી હતી.આ કામગીકી સ્ટાફના ક્રિપાલસિંહ ચાવડા, વિશ્વરાજસિંહ ઝાલા, સંજયભાઇ રાઠોડ તથા મહેન્દ્રસિંહ ચુડાસમાએ કરી હતી.