મોરબીના પીપળી-નવાગામમાં જુગારની બે રેડ: ૧૫ જુગારી પકડાયા
SHARE
JOIN OUR GROUP
મોરબીના પીપળી-નવાગામમાં જુગારની બે રેડ: ૧૫ જુગારી પકડાયા
મોરબી તાલુકાના પીપળી ગામે આવેલ શાંતિનગર સોસાયટીમાં અને નવાગામ (લખધીરનગર)માં મંદિર પાસે જમા જુગારની જુદીજુદી બે રેડ કરવામાં આવી હતી જેમાં કુલ મળીને ૧૫ જુગારી મળી આવ્યા હતા જેથી કરીને પોલીસે તેની પાસેથી કુલ મળીને ૫૫,૩૫૦ ની રોકડ કબજે કરેલ છે અને આગળની કાર્યવાહી કરી છે
મોરબી તાલુકાના પીપળી ગામે આવેલ શાંતિનગર સોસાયટીમાં જાહેરમાં સ્ટ્રીટ લાઇટના અજવાળે જુગાર રમતા હોવાની હકીકત તાલુકા પોલીસના મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા આઠ શખ્સો મળી આવ્યા હતા જેથી કરીને પોલીસે તેની પાસેથી ૨૪,૩૦૦ ની રોકડ કબજે કરી હતી અને જે શખ્સોને જુગાર રમતા પકડવામાં આવ્યા છે તેમાં લાલજીભાઈ નરોતમભાઈ સોનાગ્રા (૨૮) રહે. વિદ્યુતનગર મોરબી, પ્રદીપભાઈ અમૃતભાઈ મોરી (૨૩) રહે. પીપળી, દેવાંગભાઈ જગદીશભાઈ લાંઘણોજા (૨૭) રહે. નવલખી રોડ જલારામ પાર્ક મોરબી, હિંમતભાઈ લાલજીભાઈ સોલંકી (૨૩) રહે. રણછોડનગર મોરબી, સંજયભાઈ પ્રેમજીભાઈ ટાંક (૩૫) રહે. શાંતિનગર પીપળી, ભરતભાઈ ઝવેરભાઈ મોરી (૨૮) રહે. શાંતિનગર પીપળી, ઉમેશભાઈ ભરતભાઈ પરમાર (૨૬) રહે. મહેન્દ્રનગર અને ધવલકુમાર રમેશભાઈ જાકાસણીયા (૨૮) રહે. મહેન્દ્રનગર વાળાનો સમાવેશ થાય છે આ શખ્સોની સામે મોરબી તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે
આવી જ રીતે મોરબી તાલુકા પોલીસ સ્ટેશન દ્વારા જુગારની બીજી રેડ મોરબી તાલુકાના નવાગામ (લખધીરનગર) નજીક સિંધોઈ માતાજીના મંદિર પાસે જાહેરમાં કરવામાં આવી હતી ત્યારે સ્ટ્રીટ લાઈટના અજવાળે જુગાર રમતા સાત શખ્સો મળી આવ્યા હતા જેમાં છગનભાઈ જીવાભાઇ દેત્રોજા (૬૦), વલ્લભભાઈ હિરજીભાઈ દેત્રોજા (૫૮), અનુલાલ ગાંડુલાલ અઘારા (૬૩), મનુભાઈ નરભેરામભાઇ દારોદરા (૫૨), મનસુખભાઈ નરબેરામભાઈ દારોદરા (૩૯), પ્રવીણભાઈ નાથાભાઈ ઝિંઝવાડીયા (૪૨) અને હેમુભાઈ મોહનભાઈ અઘારા (૫૦) રહે. બધા નવાગામ વાળા જુગાર રમતા મળી આવ્યા હોય પોલીસે તેની પાસેથી ૩૧,૦૫૦ રૂપિયાની રોકડ કબજે કરી તેની સામે મોરબી તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે
