ચંદ્રયાન-3ની ઐતિહાસિક સફળતાની મોરબીના યંગ ઇન્ડિયા ગ્રુપ ઉજવણી કરી
Morbi Today
મોરબીના સામાકાંઠે જુગાર રમતી ત્રણ મહિલા સહિત આઠ ૧.૧૭ લાખની રોકડ સાથે પકડાયા
SHARE
JOIN OUR GROUP
મોરબીના સામાકાંઠે જુગાર રમતી ત્રણ મહિલા સહિત આઠ ૧.૧૭ લાખની રોકડ સાથે પકડાયા
મોરબીના સામાકાંઠે આવેલા મહેન્દ્રનગર વિસ્તારમાં તુલસી પાર્કમાં જુગાર રમવામાં આવી રહ્યો છે તેવી બાતમી મળતા મોરબી સીટી બી ડિવિઝન પોલીસ સ્ટીફે ત્યાં રેડ કરી હતી.ત્યારે ત્યાં જુગાર રમી રહેલ ત્રણ મહિલા સહિત કુલ આઠ શખ્સો જુગાર રમતા મળી આવ્યા હોય તમામની રોકડા રૂા.૧,૧૬,૭૦૦ સાથે ધરપકડ કરવામાં આવેલ છે.
મોરબી સીટી બી ડિવિઝન પોલીસ સ્ટાફને મળેલ બાતમીને આધારે પોલીસે મોરબીના સામાકાંઠે આવેલા મહેન્દ્રનગર ગામે સમર્પણ હોસ્પિટલ પાસેના તુલસી પાર્ક વિસ્તારમાં રેડ કરી હતી ત્યારે ત્યાં જુગાર રમવામાં આવી રહ્યો હોય સ્થળ ઉપરથી પોલીસે ગિરીશભાઈ જીવરાજભાઈ ભોરણીયા પટેલ (ઉમર ૩૧) રહે.તુલસી પાર્ક મહેન્દ્રનગર તા.મોરબી, મુકેશભાઈ પ્રાગજીભાઈ ઠોરીયા (ઉમર ૪૦) રહે.બગથળા તા.મોરબી, યોગેશભાઇ ભીમજીભાઇ અમૃતિયા (ઉમર ૩૮) રહે.સતનામનગર છાત્રાલય રોડ મોરબી, સાગરભાઇ મહેશભાઇ કનેરિયા (ઉમર ૩૫) રહે.રામકો સોસાયટી ઘુંટુ તા.મોરબી, મહેશભાઇ ધરમશીભાઇ કાંજીયા (ઉમર ૩૯) રહે.સરદારનગર શેરી નંબર-૨ છાત્રાલય રોડ મોરબી, કોમલબેન ગિરીશભાઈ ભોરણીયા (ઉમર ૩૧) રહે. તુલસી પાર્ક સમર્પણ હોસ્પિટલ પાસે મહેન્દ્રનગર, શિલ્પાબેન હસમુખભાઈ ઉર્ફે જીગ્નેશભાઈ ઠોરીયા (ઉમર ૩૦) રહે.સતનામનગર મુનનગર પાસે મોરબી અને રીનાબેન મુકેશભાઈ ઠોરીયા (ઉમર ૪૦) રહે.બગથળા તા.મોરબી જુગાર રમતા મળી આવ્યા હતા.જેથી પોલીસે રોકડા રૂા.૧,૧૬,૭૦૦ સાથે આઠેયની ધરપકડ કરી તેમની સામે જુગારધારા કલમ મુજબ ગુનો નોંધીને રાબેતા મુજબની તપાસ હાથ ધરી હતી.
વાહન અકસ્માતમાં ઇજા
મોરબીના માણેકવાડા ગામે રહેતા રિદ્ધિબેન કેશવજીભાઈ છનિયારા નામની ૨૦ વર્ષની યુવતીને વાહન અકસ્માતમાં ઇજા થતા સારવાર માટે સિવિલ હોસ્પિટલે ખસેડવામાં આવી હોવાનું મોરબી તાલુકા પોલીસ સુત્રોમાંથી જાણવા મળેલ છે.બનાવને પગલે હોસ્પિટલ તરફથી રીધ્ધીબેનની સારવાર કરવામાં આવ્યા બાદ તાલુકા પોલીસમાં જાણ કરવામાં આવતા તાલુકા પોલીસ મથકના અર્જુનસિંહ દ્વારા બનાવની આગળની તપાસ કરવામાં આવી હતી અને વધુમાં મળતી માહિતી પ્રમાણે રિધ્ધીબેન રિક્ષામાં બેસીને બગથળા તરફ જતા હતા ત્યારે રસ્તામાં તે રીક્ષા પલ્ટી ગઈ હતી જે અકસ્માત બનાવમાં તેણીને ઈજા થતાં સારવારમાં ખસેડાયા હતા.
