મોરબીની નાની વાવડી કુમાર શાળાના શિક્ષકનું શિક્ષણમંત્રીના હસ્તે કરાયું સન્માન
Morbi Today
મોરબીના સનાળા રોડે પાનની દુકાનમાંથી દારૂની આઠ બોટલ સાથે એકની ધરપકડ
SHARE
JOIN OUR GROUP
મોરબીના સનાળા રોડે પાનની દુકાનમાંથી દારૂની આઠ બોટલ સાથે એકની ધરપકડ
મોરબી શહેરના સનાળા રોડ ઉપર જયદીપ ચોક પાસે આવેલ બંસી પાન નામની દુકાનમાં દારૂનો જથ્થો હોવા અંગેની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપર દુકાનમાંથી આઠ બોટલ દારૂ મળી આવ્યો હતો જેથી કરીને પોલીસે ૨૪૦૦ રૂપિયાની કિંમતના દારૂના જથ્થા સાથે એક શખ્સની ધરપકડ કરી આગળની કાર્યવાહી હાથ ધરેલ છે
જાણવા મળતી માહિતી મુજબ મોરબી શહેરના સનાળા રોડ ઉપર આવેલ જયદીપ ચોક પાસે બંસી પાન નામની દુકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરતા દુકાનમાંથી દારૂની આઠ બોટલ મળી આવી હતી જેથી પોલીસે ૨૪૦૦ રૂપિયાની કિંમતનો દારૂનો જથ્થો કબજે કર્યો હતો અને દિલીપભાઈ રમેશભાઈ મકવાણા જાતે અનુ. જાતિ (૩૪) રહે. લાયન્સ નગર મોરબી વાળાની ધરપકડ કરેલ છે અને તેની સામે એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે અને આ શખ્સ પાસેથી મળી આવેલ દારૂની બોટલો તે કોની પાસેથી લાવ્યો હતો તે દિશામાં આગળની વધુ તપાસ મોરબી સીટી એ ડિવિઝન પોલીસ સ્ટેશનના એએસઆઇ આર.પી. રાણા ચલાવી રહ્યા છે
વૃદ્ધનું મોત
ટંકારામાં ખડીયાવાસમાં જય અંબે પાનની સામે રહેતા લાભુભાઈ ગાંડુભાઈ વાઘેલા (૬૫) ઘરે હતા ત્યારે અચાનક છાતીમાં દબાણ વધી જતા અને ગભરામણ થવા લાગતાં તાત્કાલિક સારવાર માટે મોરબી શહેરના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાંથી તેને મોરબીની સિવિલ હોસ્પિટલ સાથે લઈ જવામાં આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યા હતા ત્યારબાદ આ બનાવની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
