મોરબીની નાની વાવડી કુમાર શાળાના શિક્ષકનું શિક્ષણમંત્રીના હસ્તે કરાયું સન્માન
SHARE
JOIN OUR GROUP
મોરબીની નાની વાવડી કુમાર શાળાના શિક્ષકનું શિક્ષણમંત્રીના હસ્તે કરાયું સન્માન
મહેસાણામાં વાત્સલ્ય ફાઉન્ડેશન દ્વારા કાર્યક્રમનું આયોજન કરવામાં આવ્યું હતુ જેમાં ગુજરાત રાજ્યમાં શિક્ષણ ક્ષેત્રે ઇનોવેટીવ અને નાવિન્ય સભર રીતે શૈક્ષણિક કાર્ય કરનાર ગુરુજનોની પ્રતિભાને સન્માનીત કરવામાં આવી હતી ત્યારે રાજ્યના શિક્ષણમંત્રી ડૉ. કુબેરભાઈ ડીંડોરની અધ્યક્ષતામાં “ગુરુ વંદના” કાર્યક્રમનું આયોજન કરવામાં આવ્યું હતું. જેમાં નિર્ણાયક કમિટી દ્વારા મોરબીના નાની વાવડી ગામની શાળાના શિક્ષક અશોકકુમાર મહાદેવભાઈ કાંજીયાનું રાજ્યના શિક્ષણમંત્રી ડૉ. કુબેરભાઈ ડીંડોરના હસ્તે સન્માન કરવામાં આવ્યું હતું. શિક્ષણની સાથે સાથે બાળકોમાં સુસંસ્કારોનું સિંચન થાય તે માટે તેઓ સતત પ્રયત્નશીલ રહે છે. તેઓ હંમેશા સેવાકીય પ્રવૃત્તિમાં પણ જોડાયેલા રહે છે. આ કાર્યક્રમમાં મહેસાણાના સાંસદ સભ્ય, કલેકટર, ડીડીઓ, જિલ્લા શિક્ષણાધિકારી, જિલ્લા પ્રાથમિક શિક્ષણાધિકારી તેમજ રાજકીય આગેવાનો પણ હાજર રહ્યા હતા.
