મોરબીના સનાળા રોડે પાનની દુકાનમાંથી દારૂની આઠ બોટલ સાથે એકની ધરપકડ
Morbi Today
હળવદ નજીક હિટ એન્ડ રન: ટ્રક ટ્રેલરના ચાલક કચડી નાખતા બે સગીરાના મોત, એક વ્યક્તિને ઇજા
SHARE
JOIN OUR GROUP
હળવદ નજીક હિટ એન્ડ રન: ટ્રક ટ્રેલરના ચાલક કચડી નાખતા બે સગીરાના મોત, એક વ્યક્તિને ઇજા
હળવદ તાલુકાના રણજીતગઢ ગામના પાટીયા પાસે ઉભેલ બે સગીરા સહિત કુલ ત્રણ વ્યક્તિઓને ટ્રક ટ્રેલરના ચાલક હડફેટે લેતા બે સગીરાને ગંભીર ઇજા થઈ હોવાથી તે બંનેના મોત નીપજયાં હતા અને તેની સાથે ઊભેલ એક વ્યક્તિને ગંભીર ઇજા થઈ હોવાથી તેને સારવાર માટે હોસ્પિટલે લઈ ગયા હતા આ બનાવ બાદ વાહન ચાલક ત્યાંથી પોતાનું વાહન છોડીને નાસી ગયો છે જેથી કરીને હાલમાં મૃતક સગીરાના પિતા દ્વારા ટ્રક ટ્રેલરના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ મૂળ સાબરકાંઠા જિલ્લાના નવાબગા ગામના રહેવાસી અને હાલમાં હળવદ તાલુકાના રણજીતગઢ ગામે હીરાભાઈ વેલજીભાઈ સતવારાની વાડીએ રહીને મજૂરી કામ કરતા કાળુભાઈ નાથાભાઈ સાગીયા જાતે ગરાસીયા રાજપુત (૫૦)એ ટ્રક ટ્રેલર નંબર જીજે ૧૪ ઝેડ ૬૪૦૦ ના ચાલક સામે ફરિયાદ નોંધાવી છે જેમાં તેને જણાવ્યૂ છે કે, રણજીતગઢ ગામના પાટીયા પાસે બ્રાહ્મણી નદીની કેનાલ નજીક તેઓની દીકરી શર્મિલાબેન (૧૫) તથા તેના ભાઈની દીકરી બીજુબેન (૮) અને હીરાભાઈ વિરજીભાઈ પરમાર ઉભા હતા દરમિયાન ટ્રક ટ્રેલરના ચાલકે તેઓને હડફેટે લીધા હતા અને આશરે ૩૦૦થી ૪૦૦ મીટર સુધી તેને ઢસડી ગયા બાદ બ્રાહ્મણી નદીની કેનાલ ઉપર આવેલ પુલ સાથે વાહન અથડાતા ટ્રેલર ઊંધું પડી ગયું હતું અને હીરાભાઈ પરમારને માથાના ભાગે ઇજા થઈ હતી જોકે ફરિયાદીની દીકરી તથા તેની ભત્રીજીને માથામાં અને શરીરને ગંભીર ઇજા થયેલ હતી જેથી ટેન બંને સગીરાના મોત નીપજ્યા હતા અને અકસ્માત સર્જીને વાહન ચાલક સ્થળ ઉપરથી નાસી ગયો હોય હાલમાં મૃતક સગીરાના પિતા દ્વારા નોંધાવવામાં આવેલ ફરિયાદ આધારે પોલીસે ટ્રક ટ્રેલરના ચાલક સામે ગુનો નોંધીને તેને પકડવા માટે તેને તજવીજ શરૂ કરી છે
અકસ્માતમાં ઇજા
મોરબીના ભડીયાદ ગામ પાસે આવેલ કોમ્યુનિટી હોલ તથા પંચાયત ઓફિસની સામેથી ડબલ સવારી બાઈક નંબર જીજે ૩૬ કયું ૮૧૮૮ પસાર થઈ રહ્યું હતું ત્યારે ટેમ્પો નંબર જીજે ૩૬ ટી ૩૦૬૩ ના ચાલકે તે બાઈકને હડફેટે લેતા અકસ્માતનો બનાવ બન્યો હતો જેમાં મોરબીના ભડીયાદ રોડ ઉપર નજરબાગ રેલવે સ્ટેશન પાસે આવેલ ગાંધી સોસાયટી ખાતે રહેતા જયેશભાઈ કાનજીભાઈ ટુંડિયા જાતે અનુ. જાતી (૨૬) તથા અનિલભાઈ ખેંગારભાઈ વાઘેલા બંનેને ઇજાઓ થઈ હતી જેથી કરીને ઇજાગ્રસ્તોને સારવાર માટે હોસ્પિટલે ખસેડવામાં આવ્યા હતા અને સારવાર લીધા બાદ જયેશભાઈ ટુંડિયા દ્વારા હાલમાં ટેમ્પોના ચાલક સામે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે અને આ બનાવની આગળ વધુ તપાસ મોરબી તાલુકા પોલીસ સ્ટેશનના એન.જે. ખડિયા ચલાવી રહ્યા છે
