મોરબી સીરામીક એસો.ના પ્રમુખના નામથી સોશ્યલ મીડિયામાં ફેક આઈડી બનાવી ગઠિયાએ કળા કરી !

મોરબીના ઉધ્યોગારો અને આગેવાનોના ફેક આઈડી સોશ્યલ મીડિયામાં બનાવીને રૂપિયા માંગવામાં આવે તેવું અનેક વખત બન્યું છે તેવી જ રીતે હાલમાં મોરબી સીરામીક એસો.ના પ્રમુખનું ફેક આઈડી ઇન્સ્ટ્રાગ્રામમાં બનાવવામાં આવ્યું છે અને તેના મિત્રો સહિતના પાસેથી પૈસાની માંગણી કરવામાં આવી રહી છે જેથી કોઈને પણ ઓનલાઈન પૈસા ટ્રાન્સફર ન કરવા માટે પ્રમુખ તરફથી કહેવામા આવ્યું છે

મોરબી સીરામીક એસો.ના પ્રમુખ હરેશભાઈ બોપલીયાના નામથી ઇન્સ્ટ્રાગ્રામમાં હાલમાં એક ફેક આઈડી બનાવવામાં આવ્યું છે અને ભેજાબાજ શખ્સ દ્વારા તેના મિત્રો સહિતના લોકોને મેસેજ કરીને તાત્કાલિક પૈસાની જરૂર છે તેવા મેસેજ કરીને પૈસાની માંગણી કરવામાં આવી રહી છે જે પૈકીનાં બે વ્યક્તિઓએ તેને પૈસા ઓનલાઈન ટ્રાન્સફર કરી દીધા હતા જો કે, આ વાત હરેશભાઈના ધ્યાને આવતા ની સાથે જ તેમણે મિત્રો સહિતના સગા સંબંધીઓને પૈસા ન આપવા માટેની જાણ કરી હતી અને સોશ્યલ મીડિયાના મધ્યમથી તેઓની સાથે જોડાયેલા કોઈપના વ્યક્તિએ પૈસા ન આપવા માટે તેને અપીલ કરી છે અને આ અંગેની તેઓએ પોલીસને પણ જાણ કરેલ છે