મોરબીની સબજેલ ખાતે મારી માટી મારો દેશ કાર્યક્રમ યોજાયો

સમગ્ર દેશમાં મારી માટી મારો દેશ કાર્યક્રમ યોજાઇ રહ્યો છે ત્યારે મોરબીના જેલ રોડે આવેલ સબ જેલ ખાતે પણ “મારી માટી મારો દેશ” અભિયાન અંતર્ગત સબ જેલના મુખ્ય દરવાજાની બાજુમાં શીલા ફલકમનું અનાવરણ કરવામાં આવ્યું હતું. તેમજ માટીના દીપ જલાવી, હાથમાં રાખી રાષ્ટ્ર નિર્માણ માટેના પાંચપ્રણની પ્રતિજ્ઞા તથા શપથ લેવામાં આવ્યા હતા આ તકે વીરોને વંદન, વસુધા વંદન કાર્યક્રમ પણ યોજાયો હતો. જેમાં જેલ અધિક્ષક ડી.એમ. ગોહેલ, જેલર પી.એમ. ચાવડા તથા તમામ જેલના પોલીસ જવાનો હાજર રહ્યા હતા