ટંકારાના ઓટળા ગામ પાસે બાઇક આડે ગાય ઉતરતા સર્જાયેલ અકસ્માતમાં ઇજા પામેલા વૃદ્ધનું મોત
SHARE
JOIN OUR GROUP
ટંકારાના ઓટળા ગામ પાસે બાઇક આડે ગાય ઉતરતા સર્જાયેલ અકસ્માતમાં ઇજા પામેલા વૃદ્ધનું મોત
ટંકારા તાલુકાના નેસડા સુરજી ગામે રહેતા વૃદ્ધ બાઈક લઈને ઓટાળા ગામ પાસેથી પસાર થઈ રહ્યા હતા ત્યારે તેઓના બાઈકની આડે ગાય ઉતરતા અકસ્માતનો બનાવ બન્યો હતો અને અકસ્માતના બનાવમાં ઇજા પામેલા વૃદ્ધને પ્રાથમિક સારવાર આપ્યા બાદ વધુ સારવાર માટે રાજકોટ લઈ જવામાં આવ્યા હતા અને ત્યાં સારવાર દરમિયાન તેનું મોત નિપજ્યું હતું જેથી હોસ્પિટલ મારફતે આ બનાવની ટંકારા તાલુકા પોલીસને જાણ કરવા માટેની કવાયત કરવામાં આવી છે
બનાવની જાણવા મળતી વિગત પ્રમાણે ટંકારા તાલુકાના નેસડા સુરજી ગામે રહેતા પોપટભાઈ પીતાંબરભાઈ વાઘેલા (૬૫) નામના વૃદ્ધ પોતાનું બાઈક લઈને તા. ૨૮/૮ ના સાંજના પાંચ વાગ્યાના અરસામાં ઓટાળા ગામ પાસેથી પસાર થઈ રહ્યા હતા ત્યારે તેઓના બાઈકની આડે ગાય ઉતરી હતી જેથી કરીને અકસ્માતનો બનાવ બન્યો હતો અને અકસ્માતના બનાવમાં ઈજા પામેલા વૃદ્ધને સારવાર માટે પ્રથમ ટંકારા ત્યાંથી મોરબીની આયુષ હોસ્પિટલ અને બાદમાં વૃદ્ધને વધુ સારવાર માટે રાજકોટની સિવિલ હોસ્પિટલ ખાતે લઈ જવામાં આવ્યા હતા જોકે સારવાર દરમિયાન તેનું મોત નિપજ્યું છે જેથી કરીને હાલમાં હોસ્પિટલ મારફતે અકસ્માત મૃત્યુના આ બનાવની ટંકારા તાલુકા પોલીસે જાણ કરવા માટેની તજવીજ કરવામાં આવી છે
યુવાન સારવારમાં
મોરબી વાંકાનેર હાઇવે ઉપર આવેલ સરતાનપર રોડ ઉપર એબૂમ ટાઇલ્સ નામના કારખાનામાં રહેતા અને મજૂરી કામ કરતો રામકૃષ્ણ રામદાસ રાય (૨૪) નામનો યુવાન રાત્રિના સાડા આઠ વાગ્યે લેબર ક્વાર્ટરની કોલોનીમાં હતો ત્યારે ઊચાઇ ઉપરથી નીચે પડતાં તેને ઇજાઓ થઈ હતી જેથી ઇજા પામેલા યુવાનને પ્રાથમિક સારવાર આપીને વધુ સારવાર માટે રાજકોટ લઈ જવામાં આવેલ છે અને આ બનાવની સ્થાનિક પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
