મોરબીના ટિંબડી પાટીયા પાસે અજાણ્યા વાહન ચાલકે હડફેટે લેતા અજાણ્યા યુવાનનું મોત
Morbi Today
મોરબીના ઘૂટું રોડે એકટીવાને હડફેટે લઈને યુવાનનું મોત નિપજાવનાર ટ્રક ચાલકની ધરપકડ
SHARE
JOIN OUR GROUP
મોરબીના ઘૂટું રોડે એકટીવાને હડફેટે લઈને યુવાનનું મોત નિપજાવનાર ટ્રક ચાલકની ધરપકડ
મોરબીના ઘૂટું રોડ ઉપર આવેલ એન્જલ સિરામિક સામે ટ્રક ચાલકે એકટીવાને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં યુવાનને માથા, હાથ અને પીઠના ભાગે ગંભીર ઇજા થઈ હોવાથી તેનું મોત નીપજ્યું હતું અને એક યુવાનને ઇજા થતાં સારવાર માટે હોસ્પિટલે લઈ ગયા હતા અને ટ્રક ચાલક સામે મૃતકના ભાઈએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે આરોપીની ધરપકડ કરેલ છે
મોરબીના સામાકાંઠા વિસ્તારમાં સોઓરડીની બાજુમાં આવેલ ચામુંડાનગરમાં રહેતા મુકેશભાઈ અરજણભાઈ મહાલીયા જાતે અનુ. જાતિ (૫૪)એ મોરબી બી ડિવિઝન પોલીસ સ્ટેશન ખાતે ટ્રક નંબર જીજે ૩૬ વી ૩૭૦૪ ના ચાલક સામે ફરિયાદ નોંધાવી હતી કે, મોરબીના જુના ઘૂટું રોડે એન્જલ સિરામિક પાસેથી એકટીવા જીજે ૩૩ એચ ૪૭૫૨ લઈને તેઓના ભાઈ નરભેરામભાઇ અરજણભાઈ મહાલીયા (૪૫) પસાર થઈ રહ્યા હતા ત્યારે તેઓના એકટીવામાં પાછળના ભાગે મનોજભાઈ સોલંકી બેઠેલા હતા દરમિયાન આરોપી ટ્રક ચાલકે તેઓના ભાઈના એકટીવાને હડફેટે લીધું હતું જેથી કરીને અકસ્માતનો બનાવ બન્યો હતો અને ત્યારે ફરિયાદીના ભાઈને માથા, જમણા હાથ અને પીઠના ભાગે ગંભીર ઇજા થયેલ હોવાથી તેનું મોત નીપજયું હતું અને મનોજભાઈ સોલંકીને મોઢાના ભાગે ગંભીર ઇજા થઈ હતી જે ગુનામાં મોરબી બી ડિવિઝન પોલીસ સ્ટેશનના પીએસઆઇ જે.એલ. ઝાલા અને રાઇટર સંજયભાઇ લકુમ દ્વારા આરોપી માયાભાઇ દુદાભાઇ બાંભવા (૩૩) રહે. અંદરણા વાળાની ધરપકડ કરવામાં આવેલ છે
અકસ્માતમાં ઇજા
મોરબીના ઘૂટું ગામ પાસે આવેલ હરિ ઓમ પાર્કમાં રહેતા કિશોરગીરી મેઘનાથીનો છ વર્ષનો દીકરો નિલમ બાઈકમાં પાછળ બેસીને ત્યાંથી પસાર થઈ રહ્યો હતો ત્યારે બાઈક ગાય સાથે અથડાતા અકસ્માતનો બનાવ બન્યો હતો અને અકસ્માતના બનાવમાં નીલમને ઇજાઓ થયો હોવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ જે.પી. પટેલ ચલાવી રહ્યા છે
અકસ્માતમાં ઇજા
મોરબી નજીકના ખરેડા ગામે રહેતો જય અશોકભાઈ ડાભી (૧૪) નામનો તરુણ બાઈકમાં બેસીને જઈ રહ્યો હતો ત્યારે રસ્તા ઉપર બાઈક ભેંસ સાથે અથડાતા અકસ્માતનો બનાવ બનેલ હતો જેમાં જય ડાભીને ઇજાઓ થઈ હતી માટે તેને હોસ્પિટલે લઈને આવ્યા હતા ત્યાં તેને સારવાર આપ્યા બાદ આ બનાવાની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
