મોરબીના જુદાજુદા વિસ્તારમાંથી બે ચોરાઉ બાઇક સાથે બે આરોપી પકડાયા

હળવદ તાલુકાના ગોલાસણ ગામના શખ્સની બાઇક ચોરીમાં ધરપકડ કરવામાં આવી હતી ત્યારબાદ હાલમાં એલસીબીની ટીમે મૂળ મોરબીના શખ્સની નંબર પ્લેટ વગરના ચોરાઉ બાઈક સાથે ધરપકડ કરેલ છે આવી જ રીતે મોરબી એ ડિવિઝનની ટીમે પણ ચોરાઉ બાઇક સાથે એક શખ્સની ધરપકડ કરેલ છે

જાણવા મળતી માહિતી મુજબ મોરબી એલસીબીની ટીમે મોરબીના મહારાણા પ્રતાપ સર્કલ પાસેથી કચ્છના મીઠી રોડ ગાંધીધામ ખાતે રહેતા વિશાલ ભીમજી આતરેસા નામના શખ્સની નંબર પ્લેટ વગરના બાઇક સાથે ધરપકડ કરી છે અને ૨૦,૦૦૦ નું બાઇક કબજે કરેલ છે અને આ બાઇક તેને અંજાર ખાતેથી ચોરી કર્યું હોવાની કબૂલાત આપેલ છે જેથી કરીને આરોપી તથા મુદામાલ હાલમાં મોરબી બી ડિવિઝન પોલીસને સોપવામાં આવેલ છે આવી જ રીતે મોરબીના લીલાપર ગામેથી મોરબી બાજુ આવી રહેલા નંબર પ્લેટ વગરના બાઇકને રોકીને છે કરતાં તે બાઇક ચાલક પાસે બાઈકના કોઈ કાગળ હતા જ નહીં જેથી પોકેટ કોપ એપ્લીકેશનથી સર્ચ કરતાં આ બાઇક બીજાનું હોવાનુ સામે આવ્યું હતું જેથી કરીને પોલીસે તેની વધુ પૂછપરછ કરતા તેને આ બાઇક લાલપર પાસે આવેલ ઓનેસ્ટ હોટલ પાસેથી બાઈકની ચોરી કરી હોવાની કબૂલાત આપી હતી જેથી કરીને મોરબી એ ડિવિઝન પોલીસ દ્વારા કાન્હા વિટાનભાઈ પાઠક (૨૧) રહે. મૂળ એમપી વાળાની ધરપકડ કરેલ છે અને આગળની કાર્યવાહી કરવામાં આવેલ છે