મોરબીના લખધીરપુર રોડે સિરામિક કારખાનામાં કોલ્ડ ટાવરના પાણીમાં ડૂબી જવાથી યુવાનનું મોત

મોરબીના લખધીરપુર રોડ ઉપર આવેલ મેટ્રો સિરામિકમાં કોલ્ડ ટાવરમાં પાણીમાં ડૂબી જવાથી યુવાનનું મોત નીપજયું હતું જેથી કરીને તેના મૃતદેહને મોરબી સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મોરબીના શોભેશ્વર તરફ જવાના રસ્તા ઉપર આવેલ ઝીલ ટોપ સીરામીક ખાતે રહેતો બીકેસકુમાર અવધબિહારી સિંગ (૨૯) નામનો યુવાન મોરબીના લખધીરપુર રોડ ઉપર આવેલ મેટ્રો સીરામીક કારખાનામાં આવેલ કોલ્ડ ટાવરમાં પાણીમાં ડૂબી ગયો હતો જેથી કરીને તેનું મોત નીપજયું હતું ત્યાર બાદ તેના મૃતદેહને દીપકસિંહ રાજેન્દ્રસિંહ મોરબીની સિવિલ હોસ્પિટલ ખાતે લઈને આવ્યો હતો અને ત્યાં તેને જોઈ તપાસીને ડોક્ટરે મૃત જાહેર કર્યો હતો અને ત્યારબાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવી હતી જેથી કરીને પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી કરી હતી અને આ બનાવની આગળની વધુ તપાસ જે.એમ. જાડેજા ચલાવી રહ્યા છે