મોરબીના જૂના ઘૂટું રોડે કારખાનામાં યુવાને અગમ્ય કારણોસર જીવન ટૂંકાવ્યું

મોરબીના જુના રોડ ઉપર આવેલ સિમ્પોલો વિટ્રીફાઈડના લોડિંગ પોઇન્ટ ઉપર કારખાનામાં રહેતા અને ત્યાં મજૂરી કામ કરતા યુવાને લોખંડની આગળ સાથે બેલ્ટ બાંધીને ગળાફાંસો ખાઈ લીધો હતો જેથી કરીને તેના મૃતદેહને પીએમ માટે પ્રથમ મોરબી અને ત્યાંથી ફોરેન્સિક પીએમ માટે રાજકોટ લઈ જવામાં આવેલ છે અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી પ્રમાણે મૂળ પશ્ચિમ બંગાળનો રહેવાસી અને હાલમાં મોરબીના જૂનું ઘૂટું રોડ ઉપર આવેલ સિમ્પોલો સીરામીક કારખાનાના લેબર ક્વાર્ટરમાં રહેતો અને ત્યાં મજૂરી કામ કરતો બુધિયાભાઈ સુકુમાર મૂરમ જાતે આદિવાસી (૨૮) નામના યુવાને સિમ્પોલો કારખાનામાં લોડિંગ પોઇન્ટ નં-૪ ઉપર ગોડાઉનમાં લોખંડની એંગલ સાથે નાયલોન બેલ્ટ બાંધીને ગળાફાંસો ખાઈ લીધો હતો અને તેની લાશ કોહવાયેલ હાલતમાં મળી હોવાથી પ્રથમ પીએમ માટે મોરબી સિવિલ હોસ્પિટલ ખાતે લઈને આવ્યા હતા અને ત્યાંથી ફોરેન્સિક પીએમ માટે રાજકોટની હોસ્પિટલમાં લઈ જવામાં આવ્યો હોવાનું જાણવા મળેલ છે આ બનાવ અંગેની માનસ રોબીનભાઈ હેરમન જાતે ઓડિયા (૨૨) રહે. હાલ સિમ્પોલો સિરામિક વાળાએ મોરબી તાલુકા પોલીસને જાણ કરતા પોલીસે આપઘાતના બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના હેડ કોન્સ્ટેબલ જે.પી. વસીયાણી ચલાવી રહ્યા છે

દેશીદારૂની ભઠ્ઠી

મોરબી તાલુકાના જૂના જાંબુડીયા ગામે નિશાળ પાસે રહેતા ધીરુભાઈ વિજવાડીયાના ઘરે પોલીસે દારૂની રેડ કરી હતી ત્યારે ઘરમાંથી આઠ લીટર દેશી દારૂ તથા દેશી દારૂ બનાવવા માટે થઈને ઉપયોગમાં લેવામાં આવતો ૧૦૦ લિટર આથો અને અન્ય અન્ય મુદ્દામાલ મળીને પોલીસે ૩૬૦ નો મુદ્દા માલ કબજે કર્યો હતો અને ધીરુભાઈ છગનભાઈ વિજવાડીયા જાતે કોળી (૪૭) રહે જુના જાંબુડિયા વાળાની ધરપકડ કરી આગળની કાર્યવાહી હાથ ધરી છે