મોરબીના મહેન્દ્રપરામાં રહેતો યુવાન છેલ્લા ૧૯ દિવસથી ગુમ

મોરબી શહેરના મહેન્દ્રપરા વિસ્તારમાં રહેતો યુવાન છેલ્લા ૧૯ દિવસથી ગુમ થઈ ગયેલ છે જેથી કરીને ગુમ થયેલ યુવાનની માતા દ્વારા મોરબી સીટી એ ડિવિઝન પોલીસ સ્ટેશન ખાતે તેનો દીકરો ગુમ થયો હોવાની ગુમસુધા ફરિયાદ નોંધવામાં આવતા પોલીસે તેની નોંધ કરી યુવાનને શોધવા માટે થઈને આગળની તપાસ શરૂ કરેલ છે

બનાવી જાણવા મળતી માહિતી મુજબ મોરબીના મહેન્દ્રપરા શેરી નં-૨ માં રહેતા માનુબેન ગુલામભાઈ અજમેરી જાતે પીંજારા (૫૦)એ હાલમાં મોરબી એ ડિવિઝન પોલીસ સ્ટેશન ખાતે તેનો દિકરો તોફિકભાઈ ગુલામભાઈ અજમેરી જાતે પીંજારા (૨૫) ગુમ થયો હોવા અંગેની ગુમસુધા ફરિયાદ આપેલ છે જેમાં તેને જણાવ્યુ છે ગત તા. ૧/૧૦/૨૩ ના રાતના ત્રણ થી છ વાગ્યા દરમિયાન તે પોતાના ઘરે કશું કહ્યા વગર ક્યાંક જતો રહ્યો હતો જેની ઘર મળે શોધખોળ કરવામાં આવી રહી હતી જોકે તેનો કોઈ જગ્યાએથી પતો લાગેલ નથી જેથી કરીને હાલમાં ગુમ થયેલા યુવાનની માતા દ્વારા તેનો દિકરો ગુમ થયો હોવા અંગેની મોરબી એ ડિવિઝન પોલીસે જાણ કરવામાં આવી છે જેથી કરીને પોલીસે તેની નોંધ કરી ગુમ થયેલા યુવાને શોધવા માટે તજવીજ શરૂ કરેલ છે

ત્રણ બોટલ દારૂ

મોરબીના લાલપર ગામની સીમમાં આવેલ ઈશાને ચેમ્બરની પાછળના ભાગમાં પોલીસે દારૂની રેડ કરી હતી ત્યારે ત્યાં જાહેરમાંથી દારૂની ત્રણ બોટલો સાથે એક શખ્સ મળી આવ્યો હતો જેથી કરીને પોલીસે ૨૫૫૦ રૂપિયાની કિંમતનો દારૂનો જથ્થો કબજે કર્યો હતો અને દર્શનભાઈ કનુભાઈ વરાલીયા જાતે વાણીયા (૨૮) રહે. હરિઓમ સોસાયટી શેરી નં-૧ મહેન્દ્રનગર ચોકડી પાસે મોરબી મૂળ રહે બોટાદ વાળાની ધરપકડ કરી આગળની રાબેતા મુજબની કાર્યવાહી હાથ ધરી છે