મોરબીના વાવડી રોડ ઉપર આવેલ બાપાસીતારામ ચોક પાસે ગાયત્રી નગર સોસાયટીમાં રહેતી મહિલાએ રૂપિયાની જરૂર હોય ઉજીવન બેંકમાંથી ૫૫ હજાર રૂપિયાની ગ્રુપ લોન બે મહિના પહેલા લીધી હતી અને જેનો માસિક હપ્તો એક ભર્યો ન હતો દરમ્યાન ઉજીવન બેંક વાળા હપ્તાની ઉઘરાણી કરતા હતા અને હપ્તાની રકમ રેગ્યુલર ભરો અથવા લોન પૂરી કરી આપો તેવું કહેતા હોય ટેન્શનમાં આવી જઈને સગર્ભા મહિલાએ પોતાના ઘરે એસિડ પી લેતા તેને સારવાર માટે હોસ્પિટલે ખસેડવામાં આવી હતી અને આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

મોરબીના વાવડી રોડ ઉપર આવેલ બાપા સીતારામ ચોક પાસે ગાયત્રીનગર સોસાયટીમાં રહેતા ચેતનીકાબેન નિલેશભાઈ ચૌહાણ જાતે રજપૂત (૨૨)એ પોતે પોતાના ઘરે હતા ત્યારે એસિડ પી લીધું હતું જેથી કરીને તેને સારવાર માટે હોસ્પિટલે ખસેડવામાં આવ્યા હતા અને ત્યારબાદ આ બનાવ સંદર્ભે ચેતીકાબેન ચૌહાણ દ્વારા મોરબી એ ડિવિઝન પોલીસ સ્ટેશન ખાતે જાણ કરવામાં આવી હતી જેમાં તેમણે જણાવ્યું હતું કે, તેમને બે માસની પ્રેગનેન્સી હોય રૂપિયાની જરૂર હતી જેથી કરીને તેમના ઓળખીતા મોરબીના રણછોડનગરમાં રહેતા મનીષાબેન મારફતે તેમણે મોરબીના સનાળા રોડ ઉપર મહાવીર ફરસાણ પાસે આવેલ ઉજીવન બેંકમાંથી ૫૫ હજાર રૂપિયાની ગ્રુપ લોન આજથી બે મહિના પહેલા લીધી હતી જે લોનના ૩૮૦૦ ના હપ્તા બે વર્ષમાં ભરવાના હતા અને પ્રથમ માસી હપ્તો ભરી દીધો હતો જો કે, ચાલુ માસનો હપ્તો આર્થિક સંકળામણના કારણે તેમણે ભર્યો ન હતો જેથી ઉજીવન બેંક વાળા હપ્તાની ઉઘરાણી કરતા હતા અને હપ્તાની રકમ રેગ્યુલર ભરો અથવા લોન પૂરી કરી આપો. તેવું કહી લોનના હપ્તાની અવારનવાર ઉઘરાણી કરતા હતા જેથી મહિલાને મનમાં લાગી આવતા તેને પોતાના ઘરે એકલા હતા ત્યારે એસિડ પી લેતા તેને સારવાર માટે હોસ્પિટલે લઈ ગયા હતા અને હાલમાં એ ડિવિઝન પોલીસે આ અંગેની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ મોરબી એ ડિવિઝન પોલીસ સ્ટેશનના પીએસઆઇ પી.આર. સોનારા ચલાવી રહ્યા છે.