અરેરાટી: મોરબીમાં પ્રપોત્રીના અવસાનની ગણતરીની કલાકમાં જ દાદીએ પણ અંતિમ શ્વાસ લીધો

મોરબીના શનાળા રોડ ઉપર આવેલ પીજી કલોકની પાછળના ભાગમાં આવેલ શિવમ સોસાયટીમાં પ્રપોત્રીના અવસાનની ગણતરીની કલાકમાં જ દાદીએ પણ અંતિમ શ્વાસ લીધો હતી જેથી કરીને આજે દિવાળીના દિવસે એક જ ઘરમાંથી એક સાથે બે અર્થીઓ ઉઠતા પરિવાર સહિત સમાજના લોકોમાં અરેરાટી પ્રસરી ગઈ હતી

વર્તમાન સમયમાં ઘણી વખત આશ્ચર્યજનક કહી શકાય તેવી ઘટનાઓ બનતી હોય છે તેવી જ રીતે મોરબીના શનાળા રોડ ઉપર આવેલ પીજી ક્લોકની પાછળના ભાગમાં આવેલ શિવમ સોસાયટીમાં રહેતા શૈલેષભાઈ ગણાત્રાની ૨૮ વર્ષની દીકરી શિવાંગીનું રાત્રે તેના ઘરે ૧૧ વાગ્યે અવસાન થયું હતું અને ત્યારબાદ રાત્રીના ૧૨ વાગ્યે શૈલેષભાઈના માતા જશવંતીબેન ધીરજલાલ ગણાત્રા (૭૦)નું પણ અવસાન થયું હતું આમ એક જ પરિવારમાં એક જ દિવસે દાદી અને પ્રપોત્રીનું અવસાન થતાં ગણાત્રા પરિવાર તેમજ લોહાણા સમાજમાં શોકની લાગણી ફેલાય છે અને એકી સાથે એક જ ઘરેથી બે અર્થ આજે દિવાળીના દિવસે ઉઠતા પરિવારજનો સહિત લોકોમાં અરેરેરિટી પ્રસરી ગઈ હતી