હળવદમાં ગાળો બોલવાની ના પડતાં યુવાનને તલવાર બતાવીને મારી નાખવાની ધમકી

હળવદના લક્ષ્મીનારાયણ ચોક પારેખ ફળિયુ ખાતે રહેતા યુવાનના ઘર નજીક ગાળો બોલતા શખ્સને ગાળો બોલવાની ના પાડી હતી જેથી તે શખ્સે યુવાન સહિતના લોકોને ગાળો આપી હતી અને તલવાર લઈ આવીને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા હળવદ તાલુકા પોલીસ સ્ટેશન ખાતે ફરિયાદ નોંધાવતાં પોલીસે ગુનો નોંધી આરોપીને પકડવા માટે તજવીજ શરૂ કરેલ છે

હળવદમાં આવેલ લક્ષ્મીનારાયણ ચોક પારેખ હરિયું ખાતે રહેતા અભિષેકભાઈ સુભાષભાઈ જોશી (41)એ હળવદ તાલુકા પોલીસ સ્ટેશન ખાતે ગૌતમ ગોઠી રહે. કણબીપરા હળવદ વાળા સામે ફરિયાદ નોંધાવેલ છે જેમાં જણાવ્યુ છે કે, ફરિયાદી તથા સાહેદએ આરોપીને ગાળો બોલવાની ના પાડી હતી જેથી આરોપીએ ઉશકેરાઈ જઈને ફરિયાદીને ગાળો આપી હતી તેમજ તલવાર લઈ આવીને ફરિયાદીને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે