વાંકાનેરમાં છકડો રિક્ષાના ચાલકે બાઇકને હડફેટે લેતા દંપતીને ગંભીર ઇજા

વાંકાનેરમાં રેલ્વે સ્ટેશન રોડ ઉપર આવેલ મિલ કોલોની અમરસિંહજી મિલ સામેથી યુવાન પોતાના બાઈક ઉપર પત્ની અને બાળકોને લઈને પસાર કર્યો હતો ત્યારે છકડો રિક્ષાના ચાલકે બાઇકની હડફેટે લેતા અકસ્માત થયો હતો જે બનાવમાં યુવાનને પગમાં ફ્રેક્ચર તથા તેના પત્નીને મોઢા, માથા, નાક અને કપાળના ભાગે ગંભીર ઇજા થઈ હતી જેથી તેને સારવાર માટે લઈ ગયા હતા અને છકડો રીક્ષાનો ચાલક પોતાની રીક્ષા લઈને સ્થળ ઉપરથી નાસી ગયેલ હોય હાલમાં યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

વાંકાનેરના રેલ્વે સ્ટેશન રોડ ઉપર આવેલ શિવાજી પાર્ક ખાતે રહેતા બ્રિશપકુમાર રામજીભાઈ સોલંકી (30) એ વાંકાનેર સિટી પોલીસ સ્ટેશન ખાતે હાલમાં અજાણી છકડો રીક્ષાના ચાલક સામે ફરિયાદ નોંધાવેલ છે જેમાં જણાવ્યું છે કે વાંકાનેરના રેલ્વે સ્ટેશન રોડ ઉપર આવેલ અમરસિંહજી મિલ સામેથી તે પોતાના બાઇક નંબર જીજે 36 એએસ 8455 ઉપર પોતાના પત્નીને બાળકને લઈને જઈ રહ્યો હતો ત્યારે છકડો રીક્ષાના ચાલકે બાઇકને હડફેટે લેતા અકસ્માત થયો હતો જે બનાવમાં ફરિયાદી યુવાનને જમણા પગમાં ફેક્ચર તથા શરીરે ઇજાઓ થઈ હતી જ્યારે તેના પત્નીને મોઢા, માથા, નાક અને કપાળના ભાગે ગંભીર ઇજા થઈ હતી જેથી ઇજાગ્રસ્ત હાલતમાં બંનેને સારવાર માટે હોસ્પિટલે લઇ ગયા હતા અને આ બનાવ સંદર્ભે ઇજાગ્રસ્ત યુવાને નોંધાવેલ ફરિયાદ આધારે પોલીસે છકડો રિક્ષાના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે