ટંકારાના ભૂતકોટડા ગામે વાડીની ઓરડીની બાજુમાંથી દારૂની 13 બોટલ સાથે એક પકડાયો

ટંકારાના ભૂતકોટડા ગામે વાડીની ઓરડીની બાજુમાં પોલીસ દ્વારા દારૂની રેડ કરવામાં આવી હતી ત્યારે સ્થળ ઉપરથી દારૂની 13 બોટલ મળી આવતા પોલીસે દારૂ અને મોબાઈલ કબ્જે કરીને આરોપીને પકડીને આગળની કાર્યવાહી કરેલ છે.

ટંકારા તાલુકાના ભૂતકોટડા ગામની સીમમાં ભુરાભાઈ ભરવાડની વાડીની ઓરડીની બાજુમાં પોલીસ દ્વારા દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની મોટી 13 બોટલ મળી આવતા પોલીસે 3900 ની કિંમતનો દારૂ તથા 5000 રૂપિયાની કિંમતનો એક મોબાઇલ ફોન આમ કુલ મળીને 8,900 ની કિંમતના મુદ્દામાલ સાથે રેલસિંગ ઉર્ફે મુકેશભાઈ સેકુભાઈ સિંગાડ (38) રહે. હાલ ભૂતકોટડા તાલુકો ટંકારા મૂળ રહે, એમપી વાળાની ધરપકડ કરી તેની સામે ટંકારા તાલુકા પોલીસ સ્ટેશન ખાતે ગુનો નોંધાયો છે.

ગોલાના વેપારી સામે કાર્યવાહી

મોરબીના મહેન્દ્ર ડ્રાઇવ રોડ ઉપર ગોલા બજાર પાસે ટ્રાફિકને અડચણરૂપ થાય તે રીતે વેપારી દ્વારા ટેબલ ખુરશીઓ જાહેરમાં પાથરવામાં આવી હતી જેથી હાલમાં હરિભાઈ ગોલા વાળા નામની ગોલાની લારી ધરાવતા જીગ્નેશભાઈ પ્રેમજીભાઈ સોમાણી (47) રહે. ખાખરેચી દરવાજા પાસે મોરબી વાળા સામે ગુનો નોંધીને પોલીસે રાબેતા મુજબની કાર્યવાહી હાથ ધરી છે