મોરબીના વાવડી રોડે કોમ્પ્લેક્સ પાસે જુગાર રમતા ચાર શખ્સો ૧૫,૫૦૦ ની રોકડ સાથે પકડાયા

મોરબી શહેરના વાવડી રોડ ઉપર આવેલ સોમૈયા સોસાયટીની સામેના ભાગમાં કોમ્પ્લેક્સ પાસે જાહેરમાં જુગાર રમતા ચાર શખ્સો મળી આવ્યા હતા જેથી પોલીસે ૧૫,૫૦૦ ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા ગુનો નોંધી આગળની રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મોરબી એ ડિવિઝન પોલીસ સ્ટેશનનો સ્ટાફ પેટ્રોલિંગમાં હતો ત્યારે મોરબીના વાવડી રોડ ઉપર આવેલ સોમૈયા સોસાયટીની સામેના ભાગમાં આવેલા સતનામ કોમ્પ્લેક્સ પાસે જાહેરમાં જુગાર રમતા હોવા અંગેની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી અરમાનભાઈ સલીમભાઈ બુધિયા જાતે સંધિ (૨૧) રહે વાવડી રોડ મિલન પાર્ક-૩ મોરબી, અફઝલભાઇ સલીમભાઈ મકવાણા જાતે ઘાંચી (૨૨) રહે. પંચાસર રોડ મહંમદસલીમ વાડી મસ્જિદ પાસે મોરબી, લક્ષ્મણભાઈ ગોપાલભાઈ ટોટા જાતે ભરવાડ (૨૮) રહે. વાવડી રોડ ભગવતીપરા મોરબી અને પંકજભાઈ નરોત્તમભાઈ સાલાણી જાતે સિંધી (૧૯) રહે. મહેન્દ્રપરા શેરી નં-૧૨ મોરબી વાળા જુગાર રમતા મળી આવ્યા હોય પોલીસે તેની પાસેથી ૧૫,૫૦૦ ની રોકડ કબજે કરી હતી અને જુગારધારા હેઠળ ગુનો નોંધી આગળની કાર્યવાહી હાથ ધરી છે

દેશી દારૂ

મોરબી માળિયા હાઇવે ઉપર આવેલ મધુપુર ગામની સીમમાંથી બાઇક લઈને પસાર થયેલા શખ્સને રોકીને પોલીસે ચેક કર્યો હતો ત્યારે તેની પાસેથી ૯ લિટર દેશી દારૂ મળી આવતા પોલીસે ૧૮૦ રૂપિયાની કિંમતનો દારૂ તથા ૪૦૦૦૦ રૂપિયાની કિંમતનું બાઈક નંબર જીજે ૩૬ એજી ૪૮૭૯ આમ કુલ મળીને ૪૦,૧૮૦ રૂપિયાની કિંમતનો મુદ્દામાલ કબજે કર્યો હતો અને આરોપી સુરેશભાઈ થરેસા જાતે કોળી (૪૦) રહે નાગડાવાસ ચામુંડા માતા વાળી શેરી તાલુકો મોરબી વાળાની ધરપકડ કરેલ છે અને મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે