મોરબી નજીક સેનેટરીના કારખાનામાં બાળ શ્રમિકને કામ રાખનારા કોન્ટ્રાકટર સામે ગુનો નોંધાયો

મોરબી માળિયા હાઇવે ઉપર આવેલ બહાદુરગઢ ગામના પાટીયા પાસે સેનેટરીવેરના કારખાનામાં બાળ શ્રમિકને કામે રાખવામાં આવ્યો હતો જેથી અધિકારી દ્વારા ત્યાં રેડ કરવામાં આવી હતી ત્યારે બાળ શ્રમિક મળી આવતા હાલમાં કોન્ટ્રાક્ટર સામે મોરબી તાલુકા પોલીસ સ્ટેશન ખાતે શ્રમ અધિકારી ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ મોરબીની આસપાસના વિસ્તારમાં ઔદ્યોગિક એકમોમાં બાળ શ્રમિકોને કામે રાખવામાં આવતા હોવા અંગેની સરકારી શ્રમ અધિકારીને ફરિયાદ મળતી હોય છે જેના આધારે જુદી જુદી જગ્યાએ ચેકિંગ અને રેડ સહિતની કામગીરી કરવામાં આવતી હોય છે તેવી જ રીતે મોરબી માળિયા હાઇવે ઉપર આવેલ બહાદુરગઢ ગામના પાટીયા પાસે એ.જી.એલ. સેનેટરીવેર નામના કારખાનામાં કોન્ટ્રાક્ટર દ્વારા બાળ શ્રમિકને કામે રાખીને કામ કરાવવામાં આવી રહ્યું છે તે પ્રકારની માહિતી આધારે ત્યાં રેડ કરવામાં આવી હતી ત્યારે કારખાનામાં કોન્ટ્રાક્ટર લખાઈ પાંડુ કિશુક રહે. એ.જી.એલ. સેનેટરીવેર વાળાએ બાળ શ્રમિકને કામે રાખેલ હતો જેથી કરીને બાળ શ્રમિકને ત્યાંથી મુક્ત કરવામાં આવ્યો હતો અને કોન્ટ્રાક્ટરની સામે મોરબી તાલુકા પોલીસ સ્ટેશન ખાતે શ્રમ અધિકારી ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે