માળીયા (મી)ના બગસરા ગામે તળાવની બાજુમાં નીલ ગાયનો શિકાર મોરબીમાં બંધ થતા સિરામિક કારખાનાઓને લઇને રાજ્યના મુખ્યમંત્રી પણ ચિંતિત, મદદ માટે તૈયારી દર્શાવી: મનોજભાઈ એરવાડિયા મોરબીમાં પ્રોપેન ગેસ ન મળતા સિરામિક કારખાનાઓ બંધ : શ્રમિકોને રહેવા-રાશનની વ્યવસ્થા કરાવતા કારખાનેદારો-કોન્ટ્રાકટરો મોરબી સિરામિક યુનિટમાં ઇલેક્ટ્રીક શોર્ટ લાગતા યુવાનનું મોત મોરબીમાં કોંગ્રેસ આપને દ્વાર કાર્યક્રમ અંતર્ગત સોઓરડીના લોકોની વ્યથાને સાંભળી મોરબી જિલ્લામાં ભાજપના હોદ્દેદારોની નિમણૂંકમાં ચુવાળીયા કોળી સમાજને થયેલા અન્યાયના મુદ્દે પ્રદેશ અધ્યક્ષને રજૂઆત મોરબી નજીક અકસ્માતે કેનાલમાં પડી જવાથી પાણીમાં ડૂબી જતાં યુવાનનું મોત વાંકાનેરના જામસર ગામે વાડીએ તૂટીને જમીન ઉપર પડેલા વીજ વાયર ઉપર પગ આવી જતાં શોર્ટ લાગવાથી આધેડનું મોત

Breaking news

Morbi Today

મોરબીમાં આગંડીયા પેઢીની લૂંટનું રી-કન્સ્ટ્રકશન કરાવતી પોલીસ: કોના ઉપર દેવું વધી જતાં બનાવ્યો લૂંટનો પ્લાન ?

07-10-2021 08:53 AM

મોરબીમાં આગંડીયા પેઢીની લૂંટનું રી-કન્સ્ટ્રકશન કરાવતી પોલીસ: કોના ઉપર દેવું વધી જતાં બનાવ્યો લૂંટનો પ્લાન ?

મોરબી રવાપર રોડ ઉપર આવેલ લીલાલહેરની બાજુમાં આંગડીયા પેઢીના કર્મચારીને હથિયાર બતાવીને આંખમાં મરચાની ભુકી છાંટીને લુંટ કરવામાં આવી હતી જે ગુનામાં સંડોવાયેલા શખ્સોને દિલ્હીમાં હથિયાર સાથે પકડવામાં આવેલ હતા જેથી કરીને પોલીસે આ આરોપીઓનો ત્યાથી કબજો લઈને ગઇકાલે બને આરોપીને રિમાન્ડની માંગણી સાથે કોર્ટમાં રજૂ કર્યા હતા ત્યારે કોર્ટે તેના આગામી ૧૨મી તારીખ સુધીના રિમાન્ડ મંજૂર કરેલ છે અને આરોપીઓ પાસેથી પોલીસે લૂંટમાં ગયેલા ૩.૯૦ લાખ રિકવર કર્યા છે તેમજ ગઇકાલે મોડી સાંજે પોલીસે બંને આરોપીઓ પાસે ઘટના સ્થળે રી કન્સ્ટ્રકશન કરવાયું હતું

મોરબી પંચાસર રોડ ઉપર રહેતા વસંતભાઇ ગંગારામભાઈ બાવરવા પાસેથી આંગડીયામાં આવેલ રોકડા રૂપીયાની લીલા લહેર પાસે મોટર સાયકલ પર આવેલ બે શ્ખ્સોએ મરચાની ભુકી છાંટી લુંટ કરી હતી અને ત્યારે તેને પ્રતિકાર કરતા એક ઇસમે રીવોલ્વર જેવું હથિયાર કાઢી તેને માથામાં બે ત્રણ ઘા મારી ઇજા પહોચાડી હતી અને અમુક રકમની લુંટ કરી નાશી ગયેલ હતા જેથી પોલીસે લૂંટ સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરી હતી આ ગુનામાં સંડોવાયેલ જયદિપ ઉર્ફે લાલો ઉર્ફે શકિત નાનજીભાઇ પટેલ (૨૫) રહે. મૂળ બંગાવડી હાલમાં રહે શનાળા શક્તિ માતાજીનાં મંદિર પાસે રાધે એપાર્ટમેન્ટ અને સંદિપ ઉર્ફે સેન્ડી શ્યામબહાદુરસીંગ રાજપુત (૩૦) રહે. હાલ નાગલકા તાલુકો સુરેન્દ્રનગર મુળ રહે શંકરગઢ પ્રયાગરાજ યુપી વાળા દિલ્હીમાં હથિયાર સાથે ઝડપાયા હતા જેથી ત્યાં તેની સામે આર્મ્સ એક્ટ હેઠળ ગુનો નોંધીને જેતે સમયે દિલ્હી પોલીસે તેની ધરપકડ કરી હતી અને ત્યાર બાદ મોરબી એ ડિવિઝન પોલીસે બંને આરોપીઓનો કબજો લઈને આરોપીના રિમાન્ડ લેવા કોર્ટમાં રજૂ કર્યા હતા ત્યારે કોર્ટે આરોપીઓના તા ૧૨ મી સુધીના રિમાન્ડ મંજૂર કરેલ છે અને આરોપીઓ પાસેથી દિલ્હી પોલીસે કબજે કરેલા ૩.૯૦ લાખ પણ મોરબી પોલીસે હાલમાં કબજામાં લીધેલ છે અને આ ગુનામાં વપરાયેલ બાઇક તેમજ હથિયાર પણ પોલીસે કબ્જે કર્યું છે વધુમાં ગઇકાલે સાંજે પોલીસે બંને આરોપીને મોડી સાંજે ઘટના સ્થળે લઈ જઈને લૂંટની ઘટનાનું રી કન્સ્ટ્રકશન કરાવ્યુ હતું અને અધિકારી સૂત્રો પાસેથી જાણવા મળતી માહિતી મુજબ આરોપી જાડી ઉપર દેવું વધી ગયું હોવાથી તેને લૂંટનો પ્લાન બનાવ્યો હતો