મોરબીની મચ્છુ નદીમાં ભરાતી રવિવારી બજાર બંધ રાખવા પાલિકાનો આદેશ

મોરબીમાં મચ્છુ નદીના પટમાં રવિવારી બજાર ભરાઈ છે જો કે, આગામી રવિવારે મચ્છુ-૨ ડેમમાંથી પાણી નદીમાં છોડવામાં આવનાર છે જેથી કરીને રવિવારે ભરાતી રવિવારી બજાર બંધ રાખવા પાલિકાએ આદેશ કરેલ છે

મોરબી પાલિકાના ચીફ ઓફિસર દ્વારા માહિતી આપતા જણાવવામાં આવ્યું છે કે, તા.૧૨/૫  રવિવારના રોજ સિંચાઈ વિભાગ દ્વારા મચ્છુ-૨ ડેમના રીપેરીંગ માટે પાણી નદીમાં છોડશે જેથી કરીને નદીના પટમાં પાણી આવશે ત્યારે કોઈ ઘટના ન બને તે માટે નીચાણ વાળા વિસ્તારમાં અવર-જવર ન કરવા સુચના આપવામાં આવેલ છે અને ખાસ કરીને દર રવિવારે નદીના પટમાં રવિવારી બજાર ભરાઈ છે તે આગામી રવિવારે ન ભરવા માટે સુચના આપવામાં આવેલ છે. અને જો કોઈ બેદરકારી રાખશે તો તેની સામે કાયદેસરની કાર્યવાહી કરવામાં આવશે.