મોરબી જીલ્લામાં પાંચ નાયબ મામલતદારોની આંતરિક બદલી

મોરબી જિલ્લામાં ભ્રષ્ટાચાર બેફામ છે તેવું કહીએ તો તેમાં જરાપણ અતિશયોક્તિ નથી અને ખુલ્લે આમ રૂપિયા લઈને જ લોકોને કામ કરવામાં આવે છે તેવામાં તાજેતરમાં ગાંધીનગરથી તપાસ માટે ટિમ આવી હતી અને ત્યાર બાદ કલેકટર દ્વારા વર્ષોથી એક જ સ્થાને ફરજ બજાવી રહેલા પાંચ નાયબ મામલતદારોની આંતરિક બદલી કરેલ છે.

મોરબી ગ્રામ્ય મામલતદાર કચેરીમાં મોટા પ્રમાણમા ભ્રષ્ટાચાર કરવાં આવે છે તેવી અનેક ફરિયાદો ઉઠી છે અને તાજેતરમાં જુદાજુદા કામ માટેના ભાવપત્રક પણ જાહેર થયા હતા તેવામાં ગાંધીનગરથી રેવન્યુ ફાઇલિંગ મેન્જમેન્ટ સિસ્ટમની તપાસ માટે ટીમ આવી હતી અને ત્યાર બાદ કલેકટર કે.બી. ઝવેરી દ્વારા પાંચ નાયબ મામલતદારોની બદલી કરવામાં આવેલ છે જેમાં કલેકટર કચેરીમાં ફરજ બજાવતા નિખિલ જોશીની ટંકારા, મોરબી પ્રાંત કચેરીના શિરસ્તેદાર પી.આર. ગંભીરની માળીયા મિયાણા, માળીયા મિયાણા સર્કલ બી.એમ. સોલંકીની પ્રાંત મોરબી, મોરબી શહેર મામલતદાર કચેરીમાંથી એ.એમ. પાવરાની કલેકટર કચેરીમાં તેમજ ટંકારાના જે.સી. પટેલની મોરબી શહેર મામલતદાર કચેરીમાં બદલી કરવામાં આવી છે.