તસ્કરોના ધામા: મોરબીની બે સોસાયટીમાં ત્રણ મકાનના નકુચા તોડીને ચોરી, અંદાજે 85 હજારનો મુદામાલ લઈ ગયા
Morbi Today
મોરબીના ઘૂટું ગામે પીએચસી પાછળ બાવળની કાંટમાંથી 37 બોટલ દારૂ ઝડપાયો: આરોપીની શોધખોળ
SHARE
JOIN OUR GROUP
મોરબીના ઘૂટું ગામે પીએચસી પાછળ બાવળની કાંટમાંથી 37 બોટલ દારૂ ઝડપાયો: આરોપીની શોધખોળ
મોરબી તાલુકાના ઘૂંટું ગામની સીમમાં પ્રાથમિક આરોગ્ય કેન્દ્ર (પીએચસી) ની પાછળના ભાગમાં ખરાબમાં દારૂનો જથ્થો હોવાની હકીકત મળી હતી.જેના આધારે પોલીસે ત્યાં દારૂની રેડ કરતા બાવળની કાંટમાંથી પોલીસને દારૂની 37 બોટલ તેમજ એક બાઈક સ્થળ ઉપરથી મળી આવ્યું હતું.જેથી કરીને પોલીસે રૂા. 41,100 નો મુદ્દામાલ કબ્જે કરેલ છે અને બાઈક ચાલકની સામે ગુનો નોંધીને તેને પકડવા માટે પોલીસે તજવીજ શરૂ કરી છે.
જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના ઘૂટું ગામે આવેલ પ્રાથમિક આરોગ્ય કેન્દ્રની પાછળના ભાગમાં ખરાબાની જગ્યામાં દારૂનો જથ્થો હોવા અંગેની ચોક્કસ હકીકત મળી હતી જેથી ત્યાં પોલીસની ટીમ પહોંચી હતી.ત્યારે સ્થળ ઉપર બાવળની કાંટમાંથી દારૂની 37 બોટલો મળી આવી હતી.જેથી પોલીસે રૂા.11,100 ની કિંમતનો દારૂનો જથ્થો તથા એક બાઈક નંબર જીજે 36 એજી 3045 જેની કિંમત 30,000 આમ કુલ મળીને 41,100 ની કિંમતનો મુદ્દામાલ સ્થળ ઉપરથી કબ્જે કર્યો હતો અને જે બાઇક મળી આવેલ છે તે બાઈકના ચાલકની સામે હાલમાં મોરબી તાલુકા પોલીસ સ્ટેશન ખાતે ગુનો નોંધીને આરોપીને પકડવા માટે ચક્રો ગતિમાન કર્યા છે.
ઝેરી જંતુ કરડી જતા સારવારમાં
મોરબીના સામાકાંઠે આવેલા મહેન્દ્રનગર ગામના ઇન્દિરાનગર વિસ્તાર પાસે આવેલ મંગલમ વિસ્તારમાં રહેતા ગીતાબેન દેવજીભાઈ ભીલ નામના 35 વર્ષના મહિલા તા.૧૭-૬ ના રોજ રાત્રિના ઘરે સુતા હતા.તે દરમ્યાનમાં તેણીને કોઈ ઝેરી જંતુ કરડી જતા સારવાર માટે સિવિલ હોસ્પિટલમાં લાવવામાં આવ્યા હતા અને હોસ્પિટલ ખાતેથી આ અંગે પોલીસમાં જાણ કરાતા સીટી બી ડિવિઝન પોલીસ મથકના જગદીશભાઈ ડાંગર દ્વારા પહોંચીને તપાસ કરવામાં આવી હતી.
ઝપાઝપીમાં પડી જતા ઇજા
મોરબીના પીપળી રોડ ઉપર પાવળીયારી પાસે આવેલ વી ટાઇલ્સ પાર્સલોના નામના યુનિટ પાસે ઓટા ઉપર બેસીને વાતચીત ચાલુ હતી.તે દરમ્યાનમાં પૈસાની લેતી-દેતી બાબતની બોલાચાલીમાં ઝપાઝપી થવાથી ધક્કો લાગતા પડી જવાની લીધે રવિભાઈ ચૌહાણ (28) રહે.જીલટોપ સીરામીક પાસે જુના ઘુંટુ રોડ તેમજ અનિલ રામભાઈ ગોપ (39) રહે.હાઉસિંગ બોર્ડ મોરબી વાળાઓને રાત્રિના બે વાગ્યાના સમયે ઇજાગ્રસ્ત હાલતમાં શહેરના સામાકાંઠેની ખાનગી હોસ્પિટલમાં સારવાર માટે લાવવામાં આવ્યા હતા.બાદમાં બનાવ સંદર્ભે પોલીસમાં જાણ કરવામાં આવતા તાલુકા પોલીસ મથકના જે.બી.પરમારે તપાસ કરી હતી જેમાં સામે આવ્યુ હતુ કે પૈસાની લેતી દેતી બાબતની બોલાચાલીમાં ઝપાઝપીમાં ધક્કો લાગી જતા બંનેને ઇજાઓ પહોંચી હતી.
