મોરબી નજીક સિરામિક કારખાનામાંથી કેબલ વાયરની ચોરી કરવાના ગુનામાં 4 શાખાની 4.07 લાખના મુદામાલ સાથે ધરપકડ ટંકારા વિસ્તારમાં દારૂના ગુનામાં સંડોવાયેલા રાજકોટના બે શખ્સને પાસા હેઠળ જેલ હવાલે કરાયા સાયબર ફ્રોડ: મોરબીમાં રહેતા વકીલની જાણ બહાર તેના બેન્ક એકાઉન્ટમાંથી 98 હજારની ઉપાડી ગયા ! મોરબી મહાનગરપાલિકા કચેરી ખાતે હિન્દુ સંગઠનના આગેવાનો દ્વારા ધરણા બાદ ગેરકાયદેસર કતલખાના બંધ કરાવવા તંત્રની પાપા પગલી મોરબીના ઘુંટુ ગામે સંયુક્ત માલિકીની કરોડોની જમીનના વેચાણ મામલે પ્રાંત અધિકારીનો મહત્વનો હુકમ મોરબીના રંગપર બેલા ગામે સમસ્ત ઝાલા પરિવાર દ્વારા શ્રીમદ ભાગવત સપ્તાહનું આયોજન લાયન્સ કલબ ઓફ મોરબી સીટીની ટીમે દિવ્યાંગ વ્યક્તિને અર્પણ કરી ટ્રાયસિકલ મોરબી-રાજકોટ રોડના રિસરફેસિંગ માટે વધુ ૧૦૩ કરોડ મંજૂર: દુર્લભજીભાઇ દેથરીયા
Breaking news
Morbi Today

મોરબીમાં મૈત્રી કરાર કરનારા યુવાનને ભડાકે દેવાની ધમકી-મારામારીના ગુનામાં મુખ્ય આરોપી સહિત વધુ બે ની ધરપકડ


SHARE







































મોરબીમાં મૈત્રી કરાર કરનારા યુવાનને ભડાકે દેવાની ધમકી-મારામારીના ગુનામાં મુખ્ય આરોપી સહિત વધુ બે ની ધરપકડ

મોરબીની લક્ષ્મીનગર સોસાયટીમાં રહેતી મહિલાના દીકરાએ યુવતીને ભગાડીને લઈ જઈને તેની સાથે મૈત્રી કરાર કરેલ છે અને તે બંને સાથે રહે છે જે બાબતે યુવતીના મામા સહિતનાઓ દ્વારા યુવતીને ભગાડી જનાર યુવાનના ઘરે આવીને બોલાચાલી અને ઝઘડો કરવામાં આવ્યો હતો અને મહિલાને તેના બંને દીકરાને ભડાકે દેવાની ધમકી દેવામાં આવી હતી જે ગુનામાં પહેલા ચાર આરોપીઓને પકડાયા હતા અને હાલમાં આ ગુનામાં મુખ્ય આરોપી સહિત બે આરોપીની ધરપકડ કરી છે અને કાયદાના સંઘર્ષમાં આવેલ બાળકિશોરની પૂછપરછ કરીને તેને તેના વાલીને સોંપી દેવામાં આવેલ છે.

જાણવા મળતી માહિતી પ્રમાણે મોરબીના શોભેશ્વર રોડ ઉપર આવેલ લક્ષ્મીનગર સોસાયટીમાં રહેતા ભાનુબેન સુરેશભાઈ સિંધવ જાતે ભરવાડ (૪૬)એ મોરબી બી ડિવિઝન પોલીસ સ્ટેશન ખાતે સિરાજભાઈ પોપટિયા, કલ્પેશભાઈ દિનેશભાઈ કોળી, દિલીપભાઈ રઘાભાઈ કોળી, વિવેકભાઈ કિશોરભાઈ ધોળકિયા, રોહિત ઉર્ફે ટકો કુંભાર અને સિરાજભાઈનો સાળો અનિશ તથા અજાણ્યા બે શખ્સોની સામે ફરિયાદ નોંધાવેલ હતી કે, તેના દીકરા કુર્નેશ એ સિરાજ પોપટિયાની ભાણેજ ડોલી સાથે મૈત્રી કરાર કરેલ છે અને તે બંને સાથે રહે છે જે બાબતનો ખાર રાખીને સિરાજ પોપટિયાએ ફરિયાદીના પરિવારના સભ્યોને ફોન ઉપર ઉશ્કેરણી કરી હતી અને ગાળો આપી તેની ભાણેજને પાછી મૂકી જવા માટે કહ્યું હતું ત્યાર બાદ સાતે આરોપીઓ સ્કોર્પિયો ગાડીમાં ફરિયાદીના ઘરે આવ્યા હતા અને તેના પતિને કહ્યું હતું કે “તારા બંને દીકરાને ઘરની બહાર કાઢ મારી પાસે લાયસન્સ વાળી રિવોલ્વર છે હું ૨૪ કલાક ભેગી જ રાખું છું તારા છોકરાને ભડાકે દેવો છે અને આજે અમે પૂરી તૈયારી સાથે આવ્યા છીએ તમારી હવા કાઢી નાખવાની છે” તેવું કહ્યું હતું. 

ત્યારબાદ સિરાજભાઈ પોપટિયાએ તેના પેન્ટના નેફામાંથી છરી કાઢીને ફરિયાદીના પતિને મારવાનો પ્રયત્ન કરતા ફરિયાદીને જમણા હાથમાં છરી વાગી જતા ઈજા થઈ હતી અને બાકીના આરોપીઓએ લાકડાના ધોકા હાથમાં રાખીને ફરિયાદી સહિતનાઓને ગાળો આપીને જાનથી મારી નાખવાની ધમકી આપી હતી જેથી ભોગ બનેલ મહિલા દ્વારા હાલમાં બી ડિવિઝન પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે આ ગુનામાં અગાઉ પોલીસે કલ્પેશભાઈ કોળી, દિલીપભાઈ કોળી, મહેશભાઇ ભોજવિયા અને વિવેકભાઈ ધોળકિયાની ધરપકડ કરેલ હતી અને હાલમાં આ ગુનામાં મુખ આરોપી સિરાજ ઉર્ફે દુખી અમીરઅલી પોપટિયા જાતે ખોજા (36) રહે. સોઓરડી મોરબી અને તેના સાળા અનસ સલિમભાઈ પંજવાણી જાતે ખોજા (26) રહે. સોઓરડી સાગર પાન વાળી શેરી મોરબી વાળાની ધરપકડ કરેલ છે અને કાયદાના સંઘર્ષમાં આવેલ બાળકિશોરની પૂછપરછ કરીને તેને તેના વાલીને સોંપી દેવામાં આવેલ છે તેવી માહિતી પોલીસ પાસેથી જાણવા મળી છે.














Latest News