વાંકાનેરના લુણસરીયા ગામે વાડીના સેઢે માલઢોર બાંધવાની ના પડ્યા યુવાન ઉપર ધારિયા વડે હુમલો, મહિલા સહિત ત્રણ સામે ફરિયાદ

વાંકાનેર તાલુકાના લુણસરીયા ગામે વાડીના સેઢા પાસે માલઢોર બાંધવાની યુવાને ના પાડતા તે સારું ન લાગ્યું હતું જેથી સામે વાળાએ યુવાનને ઉપર લોખંડના ધારિયા વડે હુમલો કરવામાં આવ્યો હતો અને તેને પગના નળા, છાતી, કાનની બુટ અને ડોક પાસે માર મારીને ઇજા કરી હતી જેથી યુવાને સારવાર લીધા બાદ હાલમાં મહિલા સહિત ત્રણ વ્યક્તિઓની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ વાંકાનેર તાલુકાના નવા લુણસરીયા ગામે વાડીએ રહેતા ચતુરભાઈ તેજાભાઈ જીંજરિયા જાતે કોળી (43)એ વાંકાનેર સિટી પોલીસ સ્ટેશન ખાતે સોમાભાઈ તેજાભાઈ જીંજરિયા, સંજયભાઈ સોમાભાઈ જીંજરિયા અને પાયુબેન સોમાભાઈ જીંજરિયા રહે. બધા લુણસરિયા ગામ વાળાની સામે ફરિયાદ નોંધાવેલ છે જેમાં તેને જણાવ્યુ છે કે, લુણસરીયા ગામે તળાવીયા તરીકે ઓળખાતી સીમમાં તેઓની વાડી આવેલ છે અને વાડીના શેઢે સોમાભાઈ જીંજરિયાને માલઢોર નહીં બાંધવા માટે કહ્યું હતું જે તેમને સારું નહીં લાગતા સોમાભાઈએ લોખંડના ધારિયા વડે ફરિયાદીને ડાબા પગના નળા અને છાતીના ભાગે માર મારીને ઈજા કરેલ છે તો સંજયભાઈએ તેના હાથમાં રહેલ લોખંડના ધારિયા વડે ફરિયાદીને કાનની બુટ પાસે અને ડોક નજીક માર મારીને ઇજા કરી હતી અને ત્રણેય આરોપીઓએ ફરિયાદી યુવાનને જેમ ફાવે તેમ ગાળો આપી હતી અને ધારદાર હથિયાર વડે ઇજાઓ કરેલ છે જેથી ઇજા પામેલ યુવાનને સારવારમાં લઈ ગયા હતા અને તેને સારવાર લીધા બાદ વાંકાનેર સિટી પોલીસ સ્ટેશન ખાતે મહિલા સહિત ત્રણ વ્યક્તિઓ સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે ચક્રોગતિમાન કર્યા છે