વાંકાનેર પોલીસ લાઈન ખાતે પોલીસ વેલ્ફેર અંતર્ગત ચિત્રસ્પર્ધા યોજાઈ

મોરબી જિલ્લા પોલીસ દ્વારા વાંકાનેર પોલીસ લાઈન ખાતે વેલ્ફેર અંતર્ગત પોલીસ લાઈનના બાળકો માટે ચિત્રસ્પર્ધાનું આયોજન કરવામાં આવ્યું હતું. જેમાં ધો 1 થી 7 ના આશરે 36 જેટલા બાળકોએ ભાગ લીધો હતો. અને આ સ્પર્ધામાં વિજેતા બાળકોને પ્રોત્સાહન ઇનામ આપીને સન્માનીત કરવામાં આવ્યા હતા. તેમજ ચિત્ર સ્પર્ધામાં ભાગ લેનાર પોલીસ લાઈનના તમામ બાળકોને વાંકાનેર તાલુકા પોલીસ સ્ટેશન તરફથી શૈક્ષણિક કીટ આપવામાં આવી હતી.