મોરબી નજીક કેમિકલ ચોરીના કૌભાંડમાં પકડાયેલા ચારેય આરોપીના ત્રણ દિવસના રિમાન્ડ મંજૂર

મોરબીના બહાદુરગઢ ગામના પાટીયા પાસે કેમિકલની ચોરી કરવામાં આવતી હતી. ત્યા રેડને બે ટેન્કરમાંથી કેમિકલ કાઢતા ચાર શખ્સોને પકડવામાં આવ્યા હતા અને પોલીસે ત્રણ વાહનો, મોબાઇલ, કેમિકલનો જથ્થો વગેરે મળીને 64,82,750 નો મુદ્દામાલ કબજે કર્યો હતો અને મોરબી તાલુકા પોલીસ સ્ટેશન ખાતે નોંધાયેલ ફરિયાદ આધારે પોલીસે આરોપીઓની ધરપકડ કરીને તેને કોર્ટમાં રજૂ કરીને ત્રણ દિવસના રિમાન્ડ મેળવ્યા છે.

મોરબી તાલુકાના બહાદુરગઢ ગામના પાટિયા પાસે કેમિકલ ભરેલ બે ટેન્કરમાંથી કેમિકલ કાઢતા હતા ત્યારે રેડ કરી હતી અને કંડલાથી ટેન્કરમાં કેમિકલ ભરીને ઝઘડીયા લઈ જતાં ટેન્કરોમાંથી કેમિકલ કાઢતા હોવાનું સામે આવ્યું હતું જેથી ટ્રાન્સપોર્ટના સુપરવાઈઝર અબ્દુલભાઇ અલ્લાના ચાકી જાતે મુસ્લીમ (42)એ ચાર શખ્સોની સામે મોરબી તાલુકા પોલીસ સ્ટેશને ફરિયાદ નોંધાવેલ હતી જે ગુનામાં ટેન્કરના સીલ શેઠ અને માલ ખરીદી કરનારની જાણ બહાર ખોલી આપનારા બંને ટેન્કરના ચાલકો સહિત ચાર આરોપીને પકડ્યા હતા જેમાં મહેતાબખાન મહંમદગુલશન ખાન, અબ્દુલકલામખાન જમ્માલુદીનખાન મુસ્લીમ, કૌશિક વજુભાઇ હુંબલ અને હરેશ સાદુરભાઈ હુંબલનો સમાવેશ થાય છે આ આરોપીઓને રિમાન્ડની માંગણી સાથે મોરબી તાલુકાના પીએસઆઇ બી.એમ.બગડા દ્વારા રજૂ કરવામાં આવ્યા હતા અને કોર્ટે આરોપીઓના ત્રણ દિવસના રિમાન્ડ મંજૂર કરેલ છે.