માળીયા (મી)ના ઘાટીલા ગામે ખેતરના સેઢા પાસેથી દેશી બનાવટની જામગરી બંદૂક સાથે એક શખ્સ ઝડપાયો
SHARE
JOIN OUR GROUP
માળીયા (મી)ના ઘાટીલા ગામે ખેતરના સેઢા પાસેથી દેશી બનાવટની જામગરી બંદૂક સાથે એક શખ્સ ઝડપાયો
માળીયા મીયાણા તાલુકાના જુના ઘાટીલા ગામે ખેતરના સેઢા પાસે બાવળની કાંટમાં સ્થાનિક પોલીસ દ્વારા તપાસ કરવામાં આવી હતી ત્યારે ત્યાંથી દેશી બનાવટની જામગરી બંદૂક સાથે એક શખ્સ મળી આવ્યો હતો જેથી કરીને 2,000 રૂપિયાની કિંમતનું હથિયાર કબજે કર્યું હતું અને આરોપીની ધરપકડ કરી માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
બનાવની જાણવા મળતી માહિતી મુજબ માળિયા તાલુકા પોલીસની ટીમ પેટ્રોલિંગમાં હતી ત્યારે જૂના ઘાટીલા ગામે સુખદેવભાઈ ઉપાસરિયા ના ખેતરના સેઢા પાસે બાવળની કાંટમાં ચેક કરવામાં આવ્યું હતું ત્યારે ત્યાંથી દેશી બનાવટની જામગરી એક બંદૂક મળી આવતા પોલીસે 2,000 રૂપિયાની કિંમતનું હથિયાર કબજે કર્યું હતું અને આરોપી સુખદેવભાઈ દેવશીભાઈ ઉપાસરીયા (27) રહે જુના ઘાટીલા તાલુકો માળીયા વાળા ની ધરપકડ કરી હતી અને તેની સામે માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે અને આ શખ્સ પાસેથી મળી આવેલ હથિયાર શા માટે તે પોતાની પાસે રાખતો હતો અને ક્યાંથી લાવ્યો હતો તે દિશામાં તપાસ હાથ ધરી છે
જીનપરા નજીક જુગાર રમતા પાંચ પકડાયા
વાંકાનેરમાં જીનપરા સાતનાલા પાસે જાહેરમાં જુગારની રેડ કરી હતી ત્યારે સ્થળ ઉપરથી સમીરભાઈ ઉર્ફે સમલો ઈકબાલભાઈ મેમણ, અનિલભાઈ ધીરુભાઈ વિઝવાડીયા, વિપુલભાઇ કાળુભાઈ કોળી, રફિકભાઈ જુમાભાઇ કુરેશી અને સલીમભાઈ રસુલભાઇ બાવરા જુગાર રમતા મળી આવ્યા હતા જેથી કરીને પોલીસે તેની પાસેથી રોકડા 2,130 અને મોબાઈલ ફોન મળીને કુલ 6,130 નો મુદ્દામાલ કબજે કરી વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી.
