મોરબીના વિજયનગર-જાંબુડીયા ગામે જુગારની બે રેડ: 9 શખ્સો 16,720 ની રોકડ સાથે પકડાયા
Morbi Today
મોરબીના પીપળી ગામ નજીક રહેતા મધ્યપ્રદેશના પરિવારની યુવતી ગુમ : તપાસ શરૂ
SHARE
JOIN OUR GROUP
મોરબીના પીપળી ગામ નજીક રહેતા મધ્યપ્રદેશના પરિવારની યુવતી ગુમ : તપાસ શરૂ
મધ્યપ્રદેશના જાંબવા જિલ્લાના વતની અને હાલ મોરબીના જેતપર રોડ ઉપર આવેલ પીપળી ગામ પાસે રહીને ડ્રાઇવિંગનું કામકાજ કરતા યુવાનના બહેન ઘર નજીક નાસ્તો લેવા માટે જાવ છું તેમ કહીને નીકળ્યા બાદ ગુમ થઈ ગયા હોય હાલ યુવાને પોલીસમાં જાણ કરતા પોલીસે ગુમ થયેલ યુવતીની શોધખોળ હાથ ધરી છે.
મોરબી સીટી બી ડિવિઝન પોલીસ સ્ટેશન ખાતે બદીયાભાઇ મીટીયાભાઇ ડામોર (ઉ.વ.30) ધંધો ડ્રાઇવીંગ રહે.હાલ રોયલ પાર્ક પીપળી રોડ મોરબી મુળ ગામ પીપળી પાળા તા.જાંબવા જી. જાંબવા મધ્યપ્રદેશએ પોલીસ મથકે જાહેર કર્યુ હતુ કે, તેની નાની બહેન અન્નાબેન મીટીયાભાઇ ડામોર (ઉ.વ.19) રહે.હાલ રોયલ પાર્ક પીપળી રોડ મોરબી મુળ ગામ પીપળી પાળા તા.જાંંબવા એમપી ગત તા.2૦-6 ના સાંજના આશરે સાડા છ વાગ્યાના અરસામાં રોયલ પાર્ક પોતાના ધરેથી બાજુમાં આવેલ દુકાને ભાગ લેવાનુ બહાનુ કરીને નિકળીયા બાદ આજ દિવસ સુધી શોધખોળ કરવા છતા મળી આવેલ નથી.ગુમ થનાર અન્નાબેનની ઉંચાઇ ૪.૫ ફુટ વાન ધંઉ વર્ણી મોઢું લંબગોળ અભ્યાસ અભણ લખતા વાંચતા આવડતું નથી.ગુજરાતી અને હિન્દી ભાષા બોલી શકે તેમજ સમજી શકે છે.તેણીએ સાડી, બ્લાઉઝ ચણીયો પહેરેલ છે.તે ગુમ થયાની જાણ કરતા સીટી બી ડીવીઝન પોલીસ સ્ટેશનના હિતેશભાઇ મકવાણએ ગુમ નોંધ દીખલ કરી ગુમ થયેલી યુવતીની શોધખોળ હાથ ધરી છે.
બાળક સારવારમાં
હળવદના કડીયાણા ગામે રહેતા પરિવારનો યુવરાજ સંતોષભાઈ ડાભી નામનો ચાર વર્ષનો બાળક ઘર નજીક હતો ત્યારે તેને ગાડીવાળાએ હડફેટ લેતા ઇજાગ્રસ્ત થતા યુવરાજને સારવાર માટે મોરબી ખસેડાયો હતો.
મારામારીમા ઈજા થતાં સારવારમાં
મોરબી તાલુકાના આમરણ (બેલા) ગામે રહેતા ઈસ્માઈલભાઈ હાજીભાઈ નામના 27 વર્ષના મુસ્લિમ યુવાનને બપોરના બે વાગ્યાના અરસામાં મોડપર ગામ નજીક મારામારીના બનાવમાં ઈજા થવાથી સિવિલે સારવાર માટે લાવવામાં આવ્યો હતો.જેથી તાલુકા પોલીસ મથકમાં જાણ કરાતા સ્ટાફના ફિરોજભાઈ સુમરા દ્વારા આગળની તપાસ ચલાવવામાં આવી રહી છે.
વાહન અકસ્માતમાં ઈજા
મોરબી તાલુકાના જેતપર ગામે રહેતા બાબુલાલ રામાભાઈ પટેલ નામના 60 વર્ષના વૃદ્ધને થોરાળા ગામના પાટીયા પાસે વાહન અકસ્માતના બનાવમાં ઇજાઓ પહોંચી હતી.જેથી સિવિલ હોસ્પિટલે સારવારમાં ખસેડાયા હતા.જેથી બનાવ સંદર્ભે જાણ થતા તાલુકા પોલીસ મથકના એફ.આઈ. સુમરા દ્વારા તપાસ કરવામાં આવી હતી.
