મોરબીના રવાપર રોડ ઉપર માણેક સોસાયટીમાં રહેતા યુવાનના રહેણાંક મકાનને અજાણ્યા બે શખ્સ દ્વારા નિશાન બનાવવામાં આવ્યું હતું. અને ઘરના તાળા તોડીને ઘરમાં પ્રવેશ કરીને રોકડા 70,000 ની ચોરી કરવામાં આવેલ છે જેથી ભોગ બનેલ યુવાન દ્વારા મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ મોરબીના રવાપર રોડ ઉપર આવેલ માણેક સોસાયટીમાં રહેતા હિતેનભાઈ અરવિંદભાઈ પલાણ (45)એ હાલમાં અજાણ્યા બે શખ્સોની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં જણાવ્યુ છે કે માણેક સોસાયટીમાં આવેલ તેમના રહેણાંક મકાનને બંધ હતું ત્યારે અજાણ્યા શખ્સ દ્વારા નિશાન બનાવવામાં આવ્યું હતું અને તેના ઘરના દરવાજાના તાળા તોડીને ઘરની અંદર પ્રવેશ કરવામાં આવ્યો હતો ત્યારબાદ ઘરમાં રાખવામાં આવેલ કબાટમાંથી રોકડા રૂપિયા 70,000 ની ચોરી કરવામાં આવેલ છે જેથી ભોગ બનેલા યુવાન દ્વારા હાલમાં મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.