મોરબી સીટી એ ડીવિઝન પોલીસ સ્ટેશનના બે ગુન્હામાં ચાર વર્ષથી વોન્ટેડ આરોપીની રાજસ્થાનથી ધરપકડ

મોરબી સીટી એ ડીવિઝન પોલીસ સ્ટેશનમાં નોંધાયેલ આર્મ્સ એકટ અને દારૂના ગુનામાં ચાર વર્ષથી વોન્ટેડ આરોપીની રાજસ્થાનમાં હોવાની માહિતી મળી હતી જેના આધારે એસઓજીની ટીમે આરોપીને ત્યાંથી પકડી લાવીને આરોપીને મોરબી એ ડિવિઝન હવાલે કરેલ છે.

મોરબી એસઓજીના પીઆઇ એમ.પી.પંડ્યાના માર્ગદર્શન હેઠળ એસઓજી નો સ્ટાફ કામ કરે છે તેવામાં ફારૂકભાઇ યાકુબભાઇ પટેલને મળેલ ખાનગી હકીકત મળી હતી કે, મોરબી સીટી એ ડીવી. પોલીસ સ્ટેશનમાં નોંધાયેલ આર્મ્સ એકટ અને દારૂના ગુનામાં ચાર વર્ષથી નાસતો ફરતો આરોપી મુરાદઅલી હાજીલીયાકત રાજડ (32) રહે. દેરાસર, રાજડ કી બસ્તી તાલુકો રામસર જીલ્લો બાડમેર (રાજસ્થાન) વાળાને બાડમેર જેલ રોડ ખાતેથી હસ્તગત કરેલ છે અને મોરબી લાવીને પુછપરછ કરતા ઉપરોક્ત બન્ને ગુનાની કબૂલાત આપેલ છે અને છેલ્લા ચાર વર્ષથી નાસતા ફરતા આરોપીને પકડીને સીટી એ ડિવિઝન પોલીસને હવાલે કરેલ છે.