મોરબીમાં યંગ ઇન્ડિયા ગ્રુપ દ્વારા સમરસતા સ્નેહમિલન યોજાયું

નૂતન વર્ષે વિવિધ જ્ઞાતિઓ દ્વારા સ્નેહમિલન યોજાઈ છે. ત્યારે મોરબીમાં યંગ ઇન્ડિયા ગ્રુપ દ્વારા નૂતન વર્ષ નિમિતે નાતજાતના ભેદ ભૂલીને દરેક સમાજ એક બને અને પરસ્પર એકતાની ભાવના જળવાઈ રહે તે માટે સમરસતા સ્નેહ મિલનનું આયોજન કરવામાં આવ્યું હતું. જેમાં અનુસૂચિત જાતિ વિસ્તારોમાં વણકર વાસ, વાલ્મિકી સમાજ, રબારી સમાજ સહિતની જ્ઞાતિઓનું એક સાથે સ્નેહમિલન યોજવામાં આવ્યું હતું. આ સામુહિક સ્નેહમિલનમાં મોટી સંખ્યામાં લોકો હાજર રહ્યા હતા અને એક મેકને નવા વર્ષની શુભકામનાઓ પાઠવી હતી. તેવું યંગ ઇડિયા ગ્રુપના દેવેનભાઈ રબારીએ જણાવ્યુ છે.