મોરબી તાલુકામાંથી અપહરણ કરાયેલ સગીરને પશ્ચિમ બંગાળથી શોધી કાઢી, આરોપીની ધરપકડ

મોરબી તાલુકામાં આવેલ કારખાનામાંથી સગીરાનું અપહરણ કરવામાં આવ્યું હતું અને ભોગનનનારને મોરબી તાલુકા પોલીસની ટીમે ખાનગી વેશ ધારણ કરીને પશ્ચિમ બંગાળમાંથી શોધી કાઢેલ છે અને આરોપીની ધરપકડ કરીને આગળની કાર્યવાહી કરેલ છે.

મોરબી તાલુકા સ્ટેશન ખાતે પોકસો સહિતની કલમ હેઠળ તા. ર૮/૧૦/૨૦૨૪ ના રોજ ગુનો નોંધાયો હતો અને મોરબીના લાલપર ગામની સીમ સ્ટાર સિરામીક ડેકોરેટર્સ કારખાનાની કોલોનીમાં ઘટના બનેલ હતી. અને આરોપીએ ફરીયાદીની સગીર વયની દિકરીનું અપહરણ કરવામાં આવ્યું હતું. જેની ફરિયાદ આધારે પોલીસે આરોપીને પકડવા માટે સગીરાને શોધવા માટે કવાયત કરી હતી અને એસપીના માર્ગદર્શન હેઠળ તપાસ કરવામાં આવી રહી હતી તેવામાં ટેકનીકલ તથા હ્યુમન સોર્સથી આરોપી પશ્ચિમ બંગાળ (મેદનીપુર) ખાતે હોવાની હકિકત મળી હતી જેથી કરીને તાલુકા પીએસઆઈ એ.બી.મિશ્રા તથા જીતેનદાન ગઢવીને તપાસ અર્થે પશ્ચિમ બંગાળ (મેદનીપુર) ખાતે મોકલી આપવામાં આવ્યા હતા,

આ ગુનામાં આરોપીને પકડવા માટે બે દિવસ જહેમત ઉઠાવી હતી અને ખાનગી વેશ ધારણ કરીને બાઇક ઉપર ફરીને 2000 કિલોમીટર દુર જઈને આરોપી તથા ભોગ બનનારને લોકેટ કરીને લોકલ પોલીસની મદદથી આરોપી તથા ભોગબનનારની હકિકત મેળવી હતી અને ભોગબનનાર તથા આરોપી રણજીત મન્ના કલીપદા મન્ના (૨૦) રહે. રામગામેત્યા ગામ તેરાપરારા વેસ્ટબંગાળ વાળાને શોધી કાઢી આરોપીને પકડેલ છે અને ભોગબનનારને પણ પશ્ચિમ બંગાળ ખાતેથી હસ્તગત કરીને મોરબી તાલુકા પોલીસ સ્ટેશને લાવ્યા હતા અને આરોપી રણજીત મન્ના કલીપદા મન્નાની ધરપકડ કરેલ છે. અને સગીરાને તેના માતા-પિતાને સોપેલ છે.