હળવદના સમલી ગામ પાસે આઇસર ચાલકે ઠોકર મારતા છકડો રીક્ષા પલટી જવાથી યુવાનનું મોત
SHARE
JOIN OUR GROUP
હળવદના સમલી ગામ પાસે આઇસર ચાલકે ઠોકર મારતા છકડો રીક્ષા પલટી જવાથી યુવાનનું મોત
હળવદ તાલુકાના સમલી ગામે રહેતો યુવાન પોતાની છકડો રીક્ષા લઈને ગામ નજીકથી પસાર થઈ રહ્યો હતો ત્યારે આઇસરના ચાલકે તેની છકડો રીક્ષાને ઠોકર મારી હતી જેથી કરીને રીક્ષા પલટી મારી ગઈ હતી અને અકસ્માતના બનાવમાં યુવાનને માથામાં તથા શરીરે ગંભીર ઈજા થઈ હોવાના કારણે તેનું મોત નિપજ્યું હતું અને આઇસર ચાલક પોતાનું વાહન ઘટના સ્થળે છોડીને નાસી ગયેલ હોય આ બનાવ સંદર્ભે હાલમાં મૃતક યુવાનના પત્નીએ નોંધાવેલ ફરિયાદ આધારે પોલીસે આઇસર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે હળવદ તાલુકાના સમલી ગામે રહેતા લીલાબેન કરમશીભાઈ મુંધવા (35) એ હાલમાં હળવદ તાલુકા પોલીસ સ્ટેશન ખાતે આઇસર નંબર જીજે 36 ટી 4809 ના ચાલક ગોવિંદભાઈ નારુભાઈ મુંધવા રહે. સમલી વાળાની સામે ફરિયાદ નોંધાવેલ છે જેમાં તેને જણાવ્યુ છે કે, સમલી ગામથી ચરાડવ ગામ તરફ જવાના રસ્તા ઉપર હરેશભાઈ પટેલની વાડી સામેથી તેઓના પતિ કરમશીભાઈ સતાભાઈ મુંધવા (39) પોતાની છકડો રીક્ષા નંબર જીજે 3 વી 4262 લઈને પસાર થઈ રહ્યા હતા ત્યારે આઇસર વાહનના ચાલકે ફરિયાદીના પતિની છકડો રીક્ષાને ઠોકર મારી હતી જેથી કરીને રીક્ષા પલટી મારી ગઈ હતી અને અકસ્માતના આ બનાવમાં ફરિયાદીના પતિને માથાસતથા શરીરે ગંભીર ઇજા થયેલ હોવાથી તેનું મોત નીપજ્યું હતું અને આ બનાવની પોલીસ સ્ટેશનમાં જાણ કર્યા વગર આરોપી પોતાનું વાહન સ્થળ ઉપર છોડીને નાસી ગયો હતો જેથી કરીને હાલમાં ભોગ બનેલ યુવાનના પત્નીએ નોંધાવેલ ફરિયાદ આધારે પોલીસે આઇસરના ચાલક સામે ગુનો નોંધીને આરોપીને પકડવા માટે તજવીજ શરૂ કરી છે
