માળીયા (મી)ના જાજાસર ગામે ભાડા પટ્ટે આપેલ સરકારી જમીન ઉપર કબ્જો કરનાર સામે લેન્ડ ગ્રેબિંગ

માળીયા મીયાણા તાલુકાના જાજાસર ગામની સીમમાં સરકારે 30 વર્ષના ભાડાપટે જે જમીન ફાળવી હતી તેના ઉપર ગેરકાયદેસર કબજો કરીને ત્યાં મીઠાનું ઉત્પાદન કરી જમીન પચાવી પાડી છે જેથી કરીને વો બનેલા યુવાને હાલમાં માળીયા મીયાણા તાલુકો પોલીસ સ્ટેશન ખાતે ફરિયાદ નોંધાવતા પોલીસે લેન્ડ ગ્રેબિંગનો ગુનો નોંધીને આરોપીને પકડીને આગળની તજવીજ હાથ ધરી છે.

માળીયા મીયાણા શહેરમાં પોલીસ સ્ટેશનની બાજુમાં રહેતા અને મીઠાનો વેપાર કરતાં હનીફભાઈ સોકતઅલી અબ્દુલ્લા ભટ્ટી (34)એ હાલમાં માળિયા મીયાણા તાલુકા પોલીસ સ્ટેશન ખાતે ઈકબાલભાઈ ઇલિયાસભાઈ ભટ્ટી (39) રહે ભઠ્ઠી વાળા વિસ્તાર માળિયા મીયાણા વાળાની સામે લેન્ડગ્રેબિંગ ની ફરિયાદ નોંધાવેલ છે જેમાં તેને જણાવ્યુ છે કે, માળિયા તાલુકાના ઝાઝાસર ગામે સરકારે 30 વર્ષના ભાડા પટ્ટા માટે 10 એકર જમીન મીઠાના ઉત્પાદન માટે તેઓને ફાળવેલી છે જે જમીનમાંથી 0-40-27 ચોરસ મીટર જમીનમાં આરોપીએ ગેરકાયદેસર રીતે કબજો કરી જમીન પચાવી પાડી છે તથા મીઠાનું ઉત્પાદન કરી જમીન ઉપર ગેરકાયદેસર પોતાનો કબજો રાખી જમીનને પચાવી પાડેલ છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડી આગળની કાર્યવાહી હાથ ધરી છે