વાંકાનેર નજીક રોંગ સાઈડમાં આવેલ ખાનગી સ્કૂલ બસના ચાલકે બાઇકને હડફેટે લેતા યુવાનને ગંભીર ઇજા

વાંકાનેર નજીક કેરાળા ગામના બોર્ડથી આગળના ભાગમાં યુવાન બાઇક લઈને જઇ રહ્યો હતો ત્યારે ખાનગી સ્કૂલ બસના ચાલકે રોંગ સાઈડમાં તેનું વાહન ચલાવીને બાઈકના હડફેટે લીધું હતું જેથી કરીને અકસ્માતનો બનાવ બન્યો હતો અને તે બનાવમાં યુવાનને માથામાં અને કપાળમાં હેમરાજ જેવી ઈજાઓ થઈ હતી અને આરોપી તેની બસ લઈને સ્થળ ઉપરથી નાશી ગયેલ છે જેથી કરીને પોલીસે હાલમાં યુવાનની ફરિયાદ લઈને ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ વાંકાનેર નજીક આવેલ ચંદ્રપુર અલંકાર હોટલની પાછળના ભાગમાં રહેતા રવિભાઈ છગનભાઈ સિંધવ (29)એ ખાનગી સ્કૂલ બસ નંબર જીજે 3 એ ડબલ્યુ 9680 ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે વાંકાનેર નજીક કેરાળા ગામના બોર્ડથી આગળના ભાગમાં તે પોતાનું બાઈક નંબર જીજે 36 એઇ 9031 લઈને પસાર થઈ રહ્યો હતો ત્યારે ખાનગી સ્કૂલ બસના ચાલકે રોંગ સાઈડમાં પોતાની બસ ચલાવી હતી અને ફરિયાદીના બાઈકને સામેથી ઠોકર મારી હતી જેથી અકસ્માતનો બનાવ બન્યો હતો જે બનાવમાં ફરિયાદી યુવાનને નાકના ભાગે ફેક્ચર તથા માથા અને કપાળના ભાગે હેમરાજ જેવી ઈજાઓ થયેલ છે અને અકસ્માત સર્જીને ખાનગી સ્કૂલ બસ લઈને આરોપી નાસી ગયેલ હતો જેથી કરીને હાલમાં યુવાને નોંધાવેલ ફરિયાદ આધારે પોલીસે બસના ચાલક સામે આરોપીને પકડવા માટે તજવીજ શરૂ કરેલ છે

બાઇક ચોરી

મીતાણા વાલસણ રોડ ઉપર રામજીભાઈ ગજેરાની વાડીએ રહેતા અને મજૂરી કામ કરતા મૂળ દાહોદના રહેવાથી દિતિયાભાઈ હિમરાજભાઈ ભુરીયા (32)એ અજાણ્ય શખ્સની સામે ચોરીની ફરિયાદ નોંધાવેલ છે જેમાં જણાવ્યુ છે કે, તેઓએ વાડીએ બાઈક નંબર જીજે 20 બીએચ 8767 પાર્ક કરીને મૂક્યું હતું જે 50,000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને યુવાને નોંધાવેલ ફરિયાદ આધારે ટંકારા પોલીસ સ્ટેશન ખાતે ચોરીનો ગુનો નોંધીને પોલીસે આરોપીને પકડવા માટે તજવીજ શરૂ કરેલ છે