ટંકારા-મોરબી તાલુકામાં દારૂની બે રેડ: 98 બોટલ દારૂ કબ્જે, એકની ધરપકડ-એકની શોધખોળ
SHARE
JOIN OUR GROUP
ટંકારા-મોરબી તાલુકામાં દારૂની બે રેડ: 98 બોટલ દારૂ કબ્જે, એકની ધરપકડ-એકની શોધખોળ
ટંકારા તાલુકાના સજનપર ગામની સીમમાં જડેશ્વર રોડ ઉપર મંદિરની સામે આવેલ વાડીની ઓરડીમાં તેમજ મોરબી તાલુકાના ખાખરાળા ગામે આવેલ વરંડામાં દારૂની જુદી-જુદી બે રેડ કરવામાં આવી હતી ત્યારે કુલ મળીને દારૂની 98 બોટલો મળી આવી હતી જેથી કરીને પોલીસે દારૂનો જથ્થો કબ્જે કર્યો હતો અને સ્થાનિક પોલીસ સ્ટેશનમાં જુદા જુદા બે ગુના નોંધી પોલીસે આગળની કાર્યવાહી હાથ ધરી છે
જાણવા મળતી માહિતી પ્રમાણે મોરબીના નવલખી રોડ ઉપર આવેલ ખાખરાળા ગામ નજીક શામળાભાઈ બાળાના વરંડામાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની અલગ અલગ બ્રાન્ડની 58 બોટલો મળી આવી હતી જેથી કરીને પોલીસે 31,810 ની કિંમતનો દારૂનો જથ્થો તથા 5000 ની કિંમતનો મોબાઇલ આમ કુલ મળીને 43,810 ની કિંમતનો મુદ્દામાલ કબજે કર્યો હતો અને આરોપી કાનજીભાઈ દેવદાનભાઈ બાળા (26) રહે. ખાખરાળા તાલુકો મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.
આવી જ રીતે ટંકારા તાલુકાના સજનપર ગામની સીમમાં જડેશ્વર રોડ ઉપર મચ્છુ મંદિરની સામે આવેલ દિવલ ઉર્ફે દિવાન મૈડાના કબજા ભોગવટા વાળી વાડીની ઓરડીમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની જુદી જુદી બ્રાન્ડની 40 બોટલો મળી આવી હતી જેથી કરીને પોલીસે 9000 રૂપિયાની કિંમતનો દારૂનો જથ્થો કબજે કર્યો હતો જોકે પોલીસ દ્વારા દારૂની રેડ કરવામાં આવી હતી ત્યારે સ્થળ ઉપર આરોપી હાજર ન હોય હાલમાં ટંકારા તાલુકા પોલીસ સ્ટેશન ખાતે દિવલ ઊર્ફે દિવાન વરસીગ મૈડા રહે, હાલ સજનપર ગામની સીમ જડેશ્વર રોડ મચ્છુ માતા મંદિરની સામે વાડીમાં મૂળ રહે. દાહોદ વાળાની સામે ટંકારા તાલુકા પોલીસ સ્ટેશન ખાતે ગુનો નોંધીને પોલીસે આરોપીને પકડવા માટે તજવીજ શરૂ કરી છે
