મોરબીના રફાળેશ્વર નજીક આવેલ પેપર મીલમાં રહેતો યુવાન એસિડ પી જતાં સારવારમાં

મોરબી તાલુકાના રફાળેશ્વર ગામ પાસેસ આવેલ પેપર મીલમાં યુવાન ભૂલથી એસીડ પી જતા તેને સારવાર માટે હોસ્પિટલે ખસેડવામાં આવ્યો હતો અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે.

જાણવા મળતી માહિતી મુજબ મોરબી તાલુકાના રફાળેશ્વર ગામ પાસે આવેલ પનામા પેપરમીલ ખાતે રહેતા દીપકભાઈ શિવપુજકભાઈ (23) નામનો યુવાન ભૂલથી પોતાના ઘરે એસિડ પી જતાં તેને તાત્કાલિક સારવાર માટે મોરબીની સરકારી હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતાં પોલીસે બનાવની નોંધ કરીને આગળની કાર્યવાહી હાથ ધરી છે

અકસ્માતમાં બે યુવાનને ઇજા

મોરબીના જેતપર રોડ ઉપર આવેલ રંગપર બેલા પાસે પેટ્રોલ પંપ સામે વાહન અકસ્માતનો બનાવ બન્યો હતો જેમાં નંદકુમારભાઈ રામુભાઈ (33) અને અરૂણભાઇ રામાભાઇ (30) રહે. બંને રફાળેશ્વર વાળાને ઇજાઓ થયેલ હોવાથી બંને ઈજાગ્રસ્તોને 108 મારફતે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવી છે

મારા મારીમાં ઇજા

મોરબી તાલુકાના લક્ષ્મીનગર ગામે રહેતા જીગાભાઈ અમરશીભાઈ ડાભી (35) નામના યુવાનને મારામારીના બનાવમાં ઇજા થયેલ હતી જેથી કરીને તેને સારવાર માટે મોરબીની સરકારી હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરવામાં આવી હતી.