મોરબીમાં ભયજનક રીતે ટ્રક ચલાવી પોલીસને ગંભીર ઈજા પંહોચાડવાના ચકચારી ગુનામાં આરોપીના જામીન મંજુર
Morbi Today
મોરબીના ટિંબડી પાસે બાઈકને ડમ્પર ચાલકે હડફેટ લેતા આધેડનું મોત
SHARE
JOIN OUR GROUP
મોરબીના ટિંબડી પાસે બાઈકને ડમ્પર ચાલકે હડફેટ લેતા આધેડનું મોત
મોરબીના ટિંબડી પાસે રવિવારે સવારે વાહન અકસ્માતનો બનાવ બનેલ હતો ત્યારે હોટલ માટે દૂધ લેવા માટે જઇ રહેલા આધેડના બાઇકને ડમ્પરના ચાલકે હડફેટે લેતા આધેડને ગંભીર ઇજા થયેલ હતી અને તેનું મોત નીપજયું હતું જેથી આ બનાવની તાલુકા પોલીસને જાણ કરવામાં આવેલ છે.
જાણવા મળતી માહિતી પ્રમાણે મૂળ ગાળા ગામના અને છેલ્લા ઘણા વર્ષોથી ટિંબડી ગામે રહેતા ગોવિંદભાઈ ભાયાભાઈ ઝાપડા (50) નામના આધેડ બાઇક લઈને રવિવારે સવારે 5:30 વાગ્યાના અરસામાં બાઇક લઈને હોટલ માટે દૂધ લેવા જઈ રહ્યા હતા ત્યારે ડમ્પર નંબર જીજે 13 એડબલ્યુ 8146 ના ચાલકે તેના બાઇકને હડફેટે લેતા ગોવિંદભાઈ ઝાપડાનું મોત નીપજયું હતું વધુમાં પોલીસ પાસેથી મળી રહેલી માહિતી મુજબ મૃતકને સંતાનમાં પાંચ દીકરી અને એક દીકરો છે તેઓ મોરબીના સામાકાંઠે મહારાણા પ્રતાપ સર્કલ પાસે ચા ની હોટલ છે અને તેઓ હોટલે દૂધ લઈ જવા માટે જતાં હતા ત્યારે ડમ્પર ચાલકે તેઓના બાઇકને હડફેટે લીધું હતું હાલ મોરબી તાલુકા પોલીસ સ્ટેશનના ફિરોજભાઈ સુમરાએ બનાવની આગળની તપાસ હાથ ધરી છે. અને મૃતકના પરિવારજનની ફરિયાદ લેવા માટે ચક્રોગતિમાન કરેલ છે.
બાઈકમાંથી પડી જતા ઇજા
મોરબીના ખારચિયા ગામે રહેતા પરિવારનો હર્ષિલ હર્ષદભાઈ વાગડિયા નામનું પાંચ વર્ષનું બાળક પાછળ બેસીને જતો હતો ત્યારે ખારચિયા અને આમરણ ગામની વચ્ચે બાઇક સ્લીપ થયું હતું જેથી બાળકને ઇજા થયેલ હતી અને તેને સાગર ઓર્થોપેડિક હોસ્પિટલ ખાતે સારવાર માટે લઈ જવામાં આવ્યો હતો જ્યારે મોરબી તાલુકાના વાંકડા ગામે રહેતા હાર્દિકભાઈ જયંતીભાઈ વડગાસીયા (28) નામના યુવાનને હળવદ રોડ ઉપર ઉંચી માંડલ અને તળાવિયા સનાળા વચ્ચે બાઇક સ્લીપ થવાથી ઇજા થયેલ હતી જેથી તેને પણ સારવાર માટે ખસેડાયો હતો
