મોરબીમાં જલારામ જયંતિએ યંગ ઇન્ડિયા ગ્રુપ દ્વારા જરૂરિયાતમંદો લોકોને ભોજન કરાવાયુ મોરબી ત્રાજપર ચોકડી પાસે બાઈકને બસ ચાલકે હડફેટે લેતા ઈજાગ્રસ્ત યુવાન રાજકોટ ખસેડાયો મોરબી જલારામ ધામ ખાતે જલારામ બાપાની 227 મી જન્મજયંતિએ કેક કટીંગ સહિતના વિવિધ કાર્યક્રમ યોજાયા મોરબીમાં સાંસદ રાજેશભાઈ ચુડાસમાની હાજરીમાં ભગવાન બિરસા મુંડાજીની ૧૫૧ મી જન્મજયંતિ નિમિત્તે જનજાતિય ગૌરવ દિવસની ઉજવણી કરાઈ મોરબીના મહેન્દ્રનગર ગામે આવેલ રામધન આશ્રમમાં છઠ્ઠ પૂજાની ઉજવણી કરાઇ મોરબીના ટીંબડી ગામ નજીક બે રીક્ષા અથડાતા પાંચ ઈજાગ્રસ્તો સારવારમાં હૈયું હચમચાવી નાખે તેવો વિડીયો: ટંકારા પાસે કારે 8 થી 10 પલટી મારતા કારમાં બેઠેક 2 યુવાન 15 ફૂંટ ઊંચા ઉડીને બાહર ફેંકાયા, વિડીયો થયો વાયરલ વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત
Breaking news
Morbi Today

મોરબી : દવા પી ગયેલ યુવાનનું સારવાર દરમિયાન મોત


SHARE



































મોરબી : દવા પી ગયેલ યુવાનનું સારવાર દરમિયાન મોત

મોરબીના હળવદ તાલુકાના રાતાભેર ગામે રમેશભાઈની વાડીએ રહી મજૂરી કામ કરતા પરિવારનો ગોપાલભાઈ છગનભાઈ તડવી નામનો ૪૦ વર્ષનો યુવાન ગત તા.૨-૪ ના રોજ અગમ્ય કારણોસર ઝેરી દવા પી ગયો હતો.જેથી તેને સારવાર માટે અત્રેની સિવિલ હોસ્પિટલે લાવવામાં આવ્યો હતો.અહીં ટૂંકી સારવાર દરમિયાન તા.૭-૪ ના રોજ ગોપાલભાઈ તડવી નામના યુવાનનું મોત નીપજ્યું હતું.જેથી મોરબી ખાતે પ્રાથમિક તપાસ કરી બનાવ અંગે હળવદ પોલીસને જાણ કરવામાં આવી હતી.

મહિલા સારવારમાં

મોરબીના વાવડી રોડ ગાયત્રીનગર બાપા સીતારામ મઢૂલી નજીક રહેતા સંગીતાબેન જયભાઈ વીડજા નામના ૨૩ વર્ષના મહિલા બાઇક પાછળ બેસીને વાવડી રોડથી પંચાસર રોડ જતા હતા ત્યારે રસ્તામાં હનુમાન મંદિર પાસે બાઈક સ્લીપ થવાના બનાવમાં ઇજા પામતા ખાનગી હોસ્પિટલમાં સારવાર માટે લઈ જવાયા હતા.જ્યારે મોરબી ગ્રીન ચોકમાં રહેતા મધુમતીબેન રમેશભાઈ મહેતા નામના ૫૦ વર્ષીય આધેડ મહિલા ઘરેથી બેકરીની દુકાને વસ્તુ લેવા જતા હતા ત્યારે રસ્તામાં અજાણ્યા બાઈક ચાલકે હડફેટે લેતા સારવારમાં ખસેડાયા હતા.તેમજ મોરબી લોહાણાપરા વિસ્તારમાં રહેતા હીનાબેન વિમલભાઈ મહેતા નામના ૪૯ વર્ષના મહિલા બાઈક પાછળથી પડી જતા ઈજાગ્રસ્ત હાલતમાં સારવાર માટે લઈ જવાયા હતા.

બાળક સારવારમાં

મોરબીના મહેન્દ્રપરા શેરી નંબર-૧૦ માં રહેતા પરિવારનો શિવમ મહેશભાઈ ગોસાઈ નામનો ૧૪ વર્ષનો બાળક વાવડી રોડ સત્યમ સ્કુલ પાસે હતો ત્યાં મારામારીમાં ઈજા થતા સારવાર માટે લઈ જવાયો હતો. તેમજ લીલાપર રોડ આવાસના ક્વાટરમાં રહેતા આરીફ ઈબ્રાહીમભાઇ શાહમદાર નામના ૧૮ વર્ષના યુવાનને તેના ઘર નજીક મારામારીમાં ઈજા થઈ હોય સારવારમાં લઈ જવાયો હતો અને યુનુસશા મોતીશા શાહમદાર (ઉંમર ૪૫) રહે. ચાર માળીયા કવાટર મોરબી ને ઘર નજીક મારામારીમાં ઈજા થતાં તેને પણ સારવાર માટે દવાખાને લઈ જવાયો હતો.

પડી જતા સારવારમાં

ટંકારાના સજનપર ગામના રહેવાથી અરજણભાઈ નારણભાઈ સિણોજીયા નામના ૬૭ વર્ષીય વૃદ્ધ મોરબીના નવા બસ સ્ટેન્ડ નજીક પડી ગયા હોય ઇજાગ્રસ્ત હાલતમાં સારવાર માટે દવાખાને લઈ જવામાં આવ્યા હતા.જ્યારે મોરબી વીસીપરા બિલાલી મસ્જિદ પાછળ રહેતા મુનીર અહેમદરજાક કાસમાણી નામના ૩૨ વર્ષના યુવાને ફિનાઈલ પી લેતા સારવાર માટે દવાખાને ખસેડાયો હતો.તેમજ મૂળ ઝારખંડ અને હાલ મોરબી રહેતા શંકરભાઈ ગોપ નામના ૨૮ વર્ષના યુવાનને છાતીના ભાગે ગંભીર દુખાવો થતા ૧૦૮ વડે તેને અહીંની શિવમ હોસ્પિટલે સારવાર માટે લઇ જવાયો હતો.


















Latest News