હળવદના ચરડવા ગામે અને વાંકાનેરમાં જુગારની બે રેડ: સાત શખ્સો પકડાયા

હળવદ તાલુકાના ચરડવા ગામની સીમમાં મહાકાળી આશ્રમ પાસે અને વાંકાનેરમાં આવેલ ગ્રીન ચોક પાસે જુગારની જુદીજુદી બે રેડ કરી હતી ત્યારે સ્થળ ઉપરથી કુલ મળીને સાત શખ્સો જુગાર રમતા મળી આવ્યા હતા જેથી પોલીસે રોકડ રકમ કબ્જે કરીને સ્થાનિક પોલીસ સ્ટેશનમાં જુગારના ગુના નોંધીને આગળની કાર્યવાહી કરેલ છે.

મોરબી જિલ્લા એલસીબીની ટીમ પેટ્રોલિંગમાં હતી ત્યારે હળવદ તાલુકાના ચરાડવા ગામ પાસે આવેલ મહાકાળી આશ્રમ સામે ખરાબાની જગ્યામાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી યુવરાજસિંહ ભીખુભા ઝાલા (52) લવજીભાઈ નાથાભાઈ ગોહિલ (52) મનસુખભાઈ જીવાભાઇ સોલંકી (54) અને બાબુલાલ પુંજાભાઈ પરમાર જુગાર રમતા મળી આવ્યા હોય પોલીસે તેની પાસેથી 46,000 રૂપિયાની રોકડ કબજે કરી હતી અને હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધવામાં આવ્યો છે

વાંકાનેરમાં આવેલ ગ્રીન ચોક પાસે ખોજાખાના નજીક ખુલ્લા પ્લોટમાં જુગારની રેડ કરવામાં આવી હતી ત્યારે ત્યાં સ્થળ ઉપર જુગાર રમતા અશરફભાઈ કરીમભાઈ રફાઈ (28), જુમાભાઇ સુલેમાનભાઈ રફાઈ (24) અને નિઝામભાઈ ફકીરમામદભાઈ રફાઈ (22) જુગાર રમતા મળી આવ્યા હતા જેથી કરીને પોલીસે તેઓની પાસેથી 10,300 ની રોકડ કબજે કરી હતી અને વાંકાનેર સિટી પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

એક બોટલ દારૂ

મોરબીમાં વાંકાનેર દરવાજા પાસે પાણીના ટાંકા નજીકથી પસાર થઈ રહેલા શખ્સને રોકીને ચેક કર્યો હતો ત્યારે તેની પાસેથી દારૂની એક બોટલ મળી આવી હતી જેથી 696 ની કિંમતની દારૂની બોટલ સાથે દર્શિત સુરેશભાઇ પારેખ (24) રહે. શેઠની વખાર પારેખ શેરી મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધાયો છે